Umukuru w’Igihugu Paul Kagame yari yitabiriye iyi nama nk’Umuyobozi wa Komite y’Abakuru b’Ibihugu na za Guverinoma yiga ku cyerekezo cy’Urwego rw’Umuryango wa Afurika Yunze Ubumwe rushinzwe Iterambere (AUDA-NEPAD).

Perezida Kagame ubwo yageraga muri Indonesia i Bali, yakiriwe ku meza na Emmanuel Macron mu musangiro wanitabiriwe n’abandi bakuru b’ibihugu barimo Macky Sall uyobora Sénégal.

Yanagiranye ibiganiro na Minisitiri w’Intebe w’u Buyapani, Fumio Kishida, byagarutse ku mubano usanzwe hagati y’ibihugu byombi ndetse n’uburyo bwo gushimangira imikoranire isanzwe.

Mu mbwirwaruhame Perezida Kagame yagejeje ku bakuru b’ibihugu bari bitabiriye iyi nama, yagaragaje ko izamuka mu biciro ry’ifumbire ndetse n’ibyo kurya ari ikibazo giteye inkeke muri iki gihe.

Yasabye kandi ko iyi nama yiga ku bibazo bihangayikishije ibihugu bikiri mu nzira y’amajyambere, birimo n’uburyo bwo guhangana n’ingaruka z’intambara yo muri Ukraine.

Yasabye ibihugu bigize G20 byitabiriye iyi nama, kugira uruhare mu gukemura ibyo bibazo byugarije ibindi bikiri mu nzira y’amajyambere.

Imwe mu nzira yagaragaje zagize uruhare mu korohereza ibihugu bikiri mu nzira y’amajyambere, ni gahunda ijyanye no kubisubikira kwishyura amadeni yashyizweho mu bihe bya Covid-19, avuga ko bikwiriye ko “isubizwaho”.

Ku wa 14 Ugushyingo 2022 ni bwo Perezida Paul Kagame yageze i Bali muri Indonesia

Umukuru w'Igihugu yitabiriye Inama y’Abakuru b’Ibihugu na za Guverinoma bahuriye mu Muryango w’ibihugu 20 bikize ku Isi (G20)

Perezida Kagame yakiriwe mu cyubahiro gikwiye Umukuru w'Igihugu

Yakirijwe imbyino gakondo zifashishwa mu muco wo muri Indonesia

Perezida Kagame yishimiye uko yakiriwe muri iki gihugu cyo ku Mugabane wa Aziya

Imbyino gakondo zo muri Indonesia ziba zibereye ijisho ndetse zizihira uzireba bitewe n'imiterere yazo

Perezida Kagame yitabiriye inama ya 17 y’Abakuru b’Ibihugu na za Guverinoma zo muri G20 yabereye i Bali ku wa 15-16 Ugushyingo 2022

Iyi nama y'uyu mwaka yibanze ku ngingo zirimo kureba uko amahanga yafatanya kurenga ingaruka za COVID-19 no gutahiriza umugozi umwe mu kubaka ahazaza

Inama ya G20 ni yo ya mbere yateranye kuva ku wa 24 Gashyantare 2022, ubwo u Burusiya bwatangizaga intambara yeruye kuri Ukraine

Tariki ya 14 Ugushyingo 2022, Perezida w'u Rwanda, Paul Kagame na Minisitiri w’Intebe w’u Buyapani, Fumio Kishida, baganiriye ku gushimangira umubano n’ubutwererane bihuriweho

Perezida Kagame ubwo yageraga mu cyumba cyabereyemo ibiganiro hagati ye na Minisitiri w'Intebe w'u Buyapani, Fumio Kishida

Perezida Kagame na Minisitiri w'Intebe w'u Buyapani, Fumio Kishida, bafashe ifoto y'urwibutso nyuma y'ibiganiro byabahuje

Mu bitabiriye ibi biganiro ku ruhande rw’u Rwanda harimo Minisitiri w’Ububanyi n’Amahanga, Dr Vincent Biruta; Minisitiri w’Imari n’Igenamigambi, Dr Uzziel Ndagijimana n'Umuvugizi muri Perezidansi ya Repubulika, Stephanie Nyombayire

U Rwanda n’u Buyapani bisanganywe umubano mwiza ushingiye ku butwererane mu nzego zitandukanye zirimo ubuhinzi, uburezi n'ikoranabuhanga

Perezida Paul Kagame yagiranye ibiganiro byihariye na mugenzi we w'u Bufaransa, Emmanuel Macron

Perezida Kagame ari mu bakuru b'ibihugu bakiriwe ku meza na Emmanuel Macron w’u Bufaransa. Aba bombi bitabiriye Inama y’Umuryango wa G20 i Bali muri Indonesia

Perezida Emmanuel Macron na Cyril Ramaphosa wa Afurika y’Epfo basuhuza abitabiriye iri sangira

Perezida Kagame na Macron bahuye ku mugoroba wo ku wa Mbere, tariki ya 14 Ugushyingo 2022, i Bali muri Indonesia

Perezida wa Sénégal, Macky Sall na Emmanuel Macron uyobora u Bufaransa bari bafite akanyamuneza nyuma y'isangira ryabahuje

Perezida wa Argentine, Alberto Fernández aganira na mugenzi we w'u Bufaransa, Emmanuel Macron

Perezida Paul Kagame ubwo yageraga ahabereye Inama y’Abakuru b’Ibihugu na za Guverinoma za G20 i Bali muri Indonesia

Perezida Kagame yitabiriye G20 nk’Umuyobozi wa Komite y’Abakuru b’Ibihugu na za Guverinoma yiga ku cyerekezo cy’Urwego rw’Umuryango wa Afurika Yunze Ubumwe rushinzwe Iterambere (AUDA-NEPAD)

Inama ya G20 yabereye muri Indonesia nyuma y’uko iheruka yabereye mu Butaliyani mu 2021

Ni inama yitabirwa n'abayobozi bakomeye mu mfuruka zitandukanye ku Isi

Perezida Kagame yagaragaje ko Umugabane wa Afurika udakwiriye gushinjwa gufata uruhande mu bibazo by'u Burusiya na Ukraine

Iyi nama yitabiriwe n’abayobozi batandukanye ku Isi barimo Perezida wa Leta Zunze Ubumwe za Amerika, Joe Biden

Perezida Kagame yasabye ibihugu bigize G20 kugira uruhare mu gukemura ibibazo byugarije ibindi bikiri mu nzira y’amajyambere

Abakuru b'ibihugu bikomeye bitabiriye iyi nama yagarutse ku ngingo zitandukanye

Perezida Kagame yitabiriye iyi nama aherekejwe na Minisitiri w'Ububanyi n'Amahanga y'u Rwanda, Dr Vincent Biruta

Ku murongo w’ibyigwa muri iyi nama, hariho uko amahanga yarushaho gufatanya mu kurenga ingaruka z’icyorezo cya COVID-19 kandi agatahiriza umugozi umwe mu kubaka ahazaza hatanga icyizere

Perezida Kagame aganira n'abarimo Minisitiri w'Intebe wa Singapore, Lee Hsien Loong

Perezida Kagame ubwo yakirwaga na Perezida wa Indonesia, Joko Widodo

Perezida Kagame ari muri Indonesia mu ruzinduko rw’akazi aho yitabiriye Inama ya G20

Perezida w’Ishyirahamwe ry’Umupira w’Amaguru ku Isi, FIFA, Gianni Infantino, ari mu bayobozi bakuru bari i Bali aho bitabiriye Inama ya G20

Perezida Kagame yakiriwe na mugenzi we wa Indonesia, Joko Widodo

Perezida Kagame yagiranye ibiganiro byihariye na mugenzi we wa Indonesia, Joko Widodo

Perezida Kagame w'u Rwanda na Perezida wa Indonesia, Joko Widodo, akaba n'Umuyobozi wa G20 bagiranye ibiganiro bigaruka ku bufatanye mu gihe kizaza harimo no gushimangira umubano uhuriweho

Perezida Kagame ari mu bakuru b'ibihugu bya Afurika bitabiriye Inama ya G20

Perezida Kagame asuhuzanya na Perezida w'Ishyirahamwe ry'Umupira w'Amaguru ku Isi, FIFA, Gianni Infantino

Inama ya G20 yatangiye ku wa 15 Ugushyingo 2022

Amafoto: Village Urugwiro