Amafoto na video: Uko byari byifashe Rusesabagina yitaba urukiko

Yanditswe na Niyonzima Moïse
Kuya 18 Nzeri 2020 saa 12:41
Yasuwe :
0 0

Ku isaha ya saa munani n’iminota 40 nibwo Rusesabagina Paul yinjiye mu cyumba cy’iburanisha, kugira ngo yumve umwanzuro w’Urukiko rw’Ibanze rwa Kicukiro rwategetse ko agomba gufungirwa muri gereza iminsi 30 y’agateganyo mu gihe iperereza ku byaha akekwaho rikomeje.

Ku rukiko, umutekano wari wakajijwe, ndetse abantu bose bitabiriye basabwaga kwerekana ko bipimishije icyorezo cya COVID-19, kandi bagakaraba intoki ndetse bakabanza gupimwa n’umuriro.

Itsinda ry’abanyamakuru ba IGIHE ryari mu rukiko, maze rikusanya amafoto n’amashusho agaragaza uko kuri uyu wa Kane byari byifashe.

Kimwe n'abandi bakekwaho ibyaha, yagejejwe ku rukiko ari mu modoka itwara imfungwa y'Urwego rw'Igihugu rw'Ubugenzacyaha, RIB
Hari abapolisi batatu bamugendaga iruhande muri benshi bari bahari
Akimara guhabwa umuti usukura intoki, yahise yerekeza mu cyumba cy'urukiko
Ni ku nshuro ya kabiri Rusesabagina yari yitabye Urukiko kuva yatabwa muri yombi
Rusesabagina n'abunganizi be bakigera mu cyumba cyabereyemo iburanisha
Ubusanzwe ntibyari bimenyerewe ko umuburanyi yitabira isomwa ry'umwanzuro ku ifungwa n'ifungurwa ry'agateganyo ariko Rusesabagina we yari ahari
Abakozi babiri ba Ambasade ya Amerika mu Rwanda ni bamwe mu bari bitabiriye isomwa ry'umwanzuro. Rusesabagina yamaze igihe kinini atuye muri Leta Zunze Ubumwe za Amerika ndetse bivugwa ko yageze mu Rwanda ariho avuye mu rugendo rwanyuze i Dubai
Akigera mu rukiko, Umupolisi yahise amwegera amukuraho amapingu nk'uko amategeko abiteganya
Rusesabagina yahise ahaguruka, afata umuti wica udukoko akaraba intoki
Ubwo umucamanza yari amaze kuvuga ko uyu mugabo w'imyaka 66 agomba gufungwa iminsi 30 y'agateganyo, yahise amanika ukuboko avuga ko ajuririye uwo mwanzuro
Mu cyumba harimo abantu bake biganjemo abanyamakuru; gusa bose bagombaga kwerekana icyangombwa cyerekana ko bipimishije Coronavirus mbere yo kwinjira
Nyuma y'uko umwanzuro usomwe, Rusesabagina yahawe impapuro ziriho umwanzuro w'urukiko maze azishyiraho umukono
Rusesabagina Paul akurikiranyweho ibyaha 13 birimo iby'iterabwoba
Akimara kubwirwa ko agiye gufungwa iminsi 30 y'agateganyo, we n'abunganizi be bagaragaye bungurana ibitekerezo umwanya utari muto
Rusesabagina yunganira na Me Nyambo Emeline hamwe na Me Rugaza David
Ubwo yasohokaga mu cyumba cy'urukiko nyuma yo kubwirwa ko agiye gufungirwa muri gereza mu gihe cy'iminsi 30

Inkuru wasoma: Urukiko rwanzuye ko Rusesabagina afungwa iminsi 30 y’agateganyo, ahita ajurira (Amafoto)

Amafoto: Niyonzima Moïse

Video: Mushimiyimana Azeem


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .