Yayoboraga Kiliziya Gatolika kuva mu 2013 aho yasimbuye Papa Benedigito wa 16 wari umaze kwegura.

Ni we wari umushumba rukumbi wa Kiliziya Gatolika ku Isi, watorewe izo nshingano akomoka muri Amerika y’Epfo ndetse ni na we wa mbere wabayeho akomoka mu muryango w’aba-Jesuites.

Mbere y’uko aba Papa, yari Karidinari Jorge Mario Bergoglio, Arkipiskopi wa Buenos Aires.

Yahisemo izina Francis mu rwego rwo guha icyubahiro Mutagatifu Fransisiko w’i Assisi wigishaga asaba abantu gusakaza urukundo ahantu hose hari urwango, imbabazi ahari ibyaha, ukuri ahari ikinyoma n’icyizere ku bihebye.

IGIHE yakusanyije amafoto 100 y’ubuzima bwe mu bihe bitandukanye:

Francis (ibumoso), uri kumwe n'umuvandimwe we Oscar, yavutse ku wa 17 Ukuboza 1936. Ni we wari umuhungu mukuru wa Mario na Regina Bergoglio, impunzi z'Abanya-Argentina zagiye kuba mu Butaliyani

Francis ubwo yari akiri umuhungu muto

Jorge Mario Bergoglio ari kumwe n'umuryango we

Francis yahawe ubupadiri mu 1969

Francis ari kumwe n'ababyeyi be mu 1958

Mu 2001, Francis yagizwe Karidinali na Papa Yohani wa Kabiri

Jorge Mario Bergoglio asoma misa

Francis yifotoza kuri Pasika yo mu 2000. Hari nyuma y'imyaka ibiri abaye Arkipiskopi wa Buenos Aires

Francis asuhuza abakristu bari bamwishimiye i Buenos Aires

Francis ahura na Papa Benedigito wa 16 yaje gusimbura nyuma, ubwo yari yasuye Vatican mu 2007

Mu 2005, Francis uzaba Papa yagaragaye yoza ibirenge by'umugore mu bitaro by'i Buenos Aires

Francis atega bisi mbere ya misa yabereye i Buenos Aires mu 2008 ubwo yari Arkipiskopi

Karidinali Bergoglio asoma ikirenge cy'umwe mu bakristu ku wa Kane Mutagatifu

Francis asomera misa hanze ya kiliziya i Buenos Aires mu 2009

Francis aha ukarisitiya Roberto Bendini wayoboye Ingabo za Argentine, mu 2009

Francis asuhuza abakirisitu muri Bazilika ya Mutagatifu Petero ubwo yari amaze gutorerwa kuba Papa wa 266 ku wa 13 Werurwe 2013 aho yasimbuye Benedigito wa 16 weguye kubera izabukuru

Abantu benshi bari bakoraniye i Vatican ubwo hatangazwaga Papa mushya, wabaye uwa mbere udakomoka i Burayi utowe mu myaka irenga 1000

Nyuma y'umunsi umwe atorewe kuba Papa, Francis yishyuye aho yabaga muri Paulus VI ubwo yari karidinali

Papa Francis asubiza umunyamakuru ubwo yari avuye mu ruzinduko muri Bresil mu 2013. Yavuze ko atacira urubanza abatinganyi n'abaryamana bahuje ibitsina, yewe n'abapadiri bameze gutyo. Benshi bafashe icyo gisubizo nko guha rugari uwo muco muri Kiliziya Gatolika

Mu 2017, Papa Francis ahura na Benedigito wa 16 i Vatican

Ubwo Papa Francis yasomeraga misa i Rio de Janeiro muri Bresil muri Nyakanga 2013

Papa Francis yatowe na Time Magazine nk'umuntu wihariye umwaka wa 2013

Mu 2014, Papa Francis yahawe impano na Perezida wa Argentine, Cristina Fernández, wari wasuye Vatican

Mu Ugushyingo 2013, Papa Francis yambaye izuru ritukura ubwo yari yitabiriye ibikorwa byo gufasha abababaye bikorwa n'umuryango 'Rainbow Association Marco Iagulli Onlus'

Muri Mata 2014, uwari Umwamikazi w'u Bwongereza, Elizabeth wa Kabiri n'Igikomangoma Philip basuye Papa Francis ubwo bari i Roma

Papa Francis asoma ku gahanga umwana w'umukobwa i Vatican mu Ugushyingo 2014

Papa Francis asinya mu gitabo cy'abashyitsi ubwo yari yahuye n'abasenyeri i Seoul muri Koreya y'Epfo muri Kanama 2014

Papa Francis asuhuzanya na Benedigito wa 16 muri Bazilika ya Mutagatifu Petero muri Gashyantare 2015

Papa Francis azimya buji zo kuri 'cake' ubwo yizihizaga imyaka 78 mu Ukuboza 2014

Papa Francis asenga yubitse inda hasi ubwo yari muri Misa y'uwa Gatanu Mutagatifu muri Mata 2015, muri Bazilika ya Mutagatifu Petero

Papa Francis asuhuzanya na Fidel Castro wayoboye Cuba. Mu rugendo yagiriye muri icyo gihugu muri Nzeri 2015, yashimye intambwe yo kwiyunga hagati ya Cuba na Leta Zunze Ubumwe za Amerika

Papa Francis aganira na Fidel Castro mu gihe umugore we Dalia Soto del Valle yari aho hafi

Abantu benshi bari bahuriye muri Quito muri Equateur bakurikiye urugendo rwa Papa Francis ku nsakazamashusho nini muri Nyakanga 2015

Papa Francis asuhuza abantu benshi bari bahuriye muri US Capitol muri Nzeri 2015

Muri Nzeri 2015, Papa Francis yageje ijambo ku bagize Kongere ya Amerika

Papa Francis ari kumwe na Barack Obama ubwo yasuraga Ibiro bya Perezida wa Leta Zunze Ubumwe za Amerika muri Nzeri 2015

Ubwo Papa Francis yanyuraga mu mihanda y'i Philadelphia mu 2015 aho abantu benshi bashakaga kumusuhuza

Ubwo Papa Francis yasuhuzwaga n'abakristu i Manila muri Philippines mu 2015

Ubwo Papa Francis yahuraga n'imiryango y'Abanya-Palestine i Vatican muri Nzeri 2023

Papa Francis ageza ijambo ku bitabiriye Inteko Rusange y'Umuryango w'Abibumbye muri Nzeri 2015

Papa Francis asoma umwana muto i Vatican mu Ukwakira 2015

Papa Francis asomera misa i New York muri Madison Square Garden ubwo yari muri Amerika

Papa Francis asuhuza abakirisitu nyuma ya misa yasomeye i San Cristobal de las Casas muri Mexique muri Gashyantare 2016

Papa Francis asuhuza impunzi zo mu Nkambi ya Moria, ku kirwa cya Lesbos mu Bugereki, muri Mata 2016

Papa Francis yambaye ingofero ya Sombrero yahawe nk'impano n'umunyamakuru wo muri Mexique ubwo yasuraga iki gihugu muri Gashyantare 2016

Muri Nyakanga 2016, Papa Francis yinjira mu marembo manini ya Auschwitz-Birkenau muri Pologne aho yari agiye guha icyubahiro abazize Jenoside yakorewe Abayahudi

Papa Francis n'itsinda ry'abakaridinali bahura na Papa Benedigito wa 16 muri Shapele ya Vatican muri Nzeri 2016

Umugabo asoma Papa Francis ku gahanga i Vatican

Papa Francis agurutsa inuma nk'ikimenyetso cy'amahoro ubwo yari i Tbilisi muri Georgia muri Nzeri 2016

Papa Francis yifotozanya n'abagize "International Rural Catholic Association" i Vatican muri Nzeri 2016

Ku wa 20 Werurwe 2017, Perezida Kagame yasuye Papa Francis i Vatican

Papa Francis aganira na Perezida Kagame ku mubano wa Kiliziya Gatolika n'u Rwanda

Perezida Kagame yahaye Papa Francis inkoni ikozwe mu mitako ya Kinyarwanda

Papa Francis yifotozanya na Perezida wa Amerika, Donald Trump wari kumwe n'umugore we Melania n'umukobwa wabo Ivanka muri Gicurasi 2017

Mu Ukwakira 2017, Papa Francis avugana n'abagize itsinda rikora ubushakashatsi mu isanzure. Ni ubwa kabiri Papa yari avuganye n'abo muri International Space Station aho byaherukaga mu 2011 ku bwa Papa Benedigito wa 16

Papa Francis asuhuzwa n'itsinda ry'ababikira i Vatican muri Kanama 2018

Papa Francis agenda mu modoka ye izwi nka "popemobile" muri Bazilika ya Mutagatifu Petero mu Ukwakira 2018

Papa Francis ayoboye misa yo kwizihiza abatagatifu barindwi bashya mu Ukwakira 2018

Papa Francis asuhuza abakristu muri Bazilika ya Mutagatifu Petero muri Nzeri 2018

Papa Francis yakira Perezida w'u Burusiya, Vladimir Putin n'itsinda rye muri Nyakanga 2019

Papa Francis afotorwa n'abakirisitu bari i Vatican muri Mutarama 2019

Papa Francis ageza ijambo ku bayobozi b'amadini muri Kaminuza ya Bangkok muri Thailande, muri Nzeri 2019 ubwo yasuye n'u Buyapani

Papa Francis agendana n'abakaridinali ku cyumweru cya mashami muri Mata 2019

Papa Francis asengana n'abapadiri i Vatican muri Nzeri 2020

Papa Francis asoma misa ya Pasika muri Mata 2021

Papa Francis asuhuzanya n'umugabo wari wambaye nka 'spider man' ubwo yasuraga abantu i Vatican muri Kamena 2021. Uyu mugabo wari wahishe isura, yita ku bana barwariye mu bitaro

Papa Francis asohoka muri Katederali ya Bangkok aho urubyiruko rwinshi rwifuzaga kumukoraho

Papa Francis asoma misa i Vatican muri Nzeri 2021

Ubwo Papa Francis yasuraga Iraq mu 2021

Perezida wa Iraq, Barham Salih, yakira Papa Francis i Baghdad mu 2021

Papa asoma misa ku wa Gatanu Mutagatifu muri Bazilika ya Mutagatifu Petero yambaye ubusa kubera ingamba zo kwirinda COVID-19

Ubwo Papa Francis yafataga indege yerekeza muri Malta muri Mata 2022

Uwari Perezida wa Amerika, Joe Biden, asuhuzanya na Papa Francis ubwo yari yasuye Vatican mu Ukwakira 2021. Hagati yabo hari umusemuzi w'Umutaliyani, Elisabetta Savigni Ullmann.

Papa Francis yerekana ibendera yahawe riturutse muri Bucha, muri Ukraine, muri Mata 2022

Papa Francis ayoboye isengesho ubwo yari mu idirishya ry'aho yabaga i Vatican, muri Kamena 2022

Papa Francis yisanishaga n'abo yasuye, agakora ibijyanye n'umuco wabo. Aha ni muri Alberta muri Nyakanga 2022

Papa Francis aganira n'Umwami wa Bahrain, Hamad bin Isa Al Khalifa, ubwo bari bahuriye muri Awali mu Ugushyingo 2022

Papa Francis afashe ku isanduku yarimo umurambo wa Papa Benedigito wa 16 muri Mutarama 2023.

Papa Francis asoma misa yo gusezera kuri Benedigito wa 16 mu 2023

Papa Francis ava ku kibuga cy'indege cya Ndjili, agiye aho yahuriye n'abakristu i Kinshasa muri Repubulika Iharanira Demokarasi ya Congo muri Mutarama 2023

Papa Francis asohoka muri misa ya mashami yasomye muri Mata 2023 i Vatican

Papa Francis ahabwa ikaze na Perezida wa Portugal, Marcelo Rebelo de Sousa nyuma yo kugera i Lisbon

Papa Francis aganira na Volodymyr Zelensky uyobora Ukraine ubwo yari yasuye Vatican muri Gicurasi 2023

Papa Francis asuhuza abana ubwo yari yasuye Mongolia muri Nzeri 2023

Papa Francis asoma ku kinyobwa yazaniwe n'abihaye Imana bo muri Argentine basuye Vatican muri Mutarama 2024

Papa Francis yitabiriye Inama ya G7 ku ikoreshwa ry'ubwenge bw'ubukorano (AI) i Bari muri Kamena 2024

Papa Francis na Perezida wa Indonesia, Joko Widodo, ubwo yasuraga iki gihugu muri Nzeri 2024

Papa Francis afite bibiliya muri misa yo ku mugoroba ubanziriza Noheli yasomeye muri Bazilika ya Mutagatifu Petero ku wa 24 Ukuboza 2016

Papa Francis asoma misa yo ku cyumweru cya mashami mu gihe cya COVID-19 ku wa 5 Mata 2020

Papa Francis yinjira muri Bazilika ya Mutagatifu Petero i Vatican ku wa 6 Mutarama 2014

Ubwo Papa Francis yageraga i Maputo muri Mozambique ku wa 4 Nzeri 2019

Papa Francis akaraga umupira wa ruhago yari ahawe ubwo yari yasuye Cuba mu 2019

Ubwo Papa Francis yayoboraga igitambo cya misa ku munsi ubanziriza Noheli i Vatican ku wa 24 Ukuboza 2024

Papa Francis ahaye umugisha umwana i Vatican muri Mutarama 2025

Papa Francis ahura n'ababikira i Vatican muri Gashyantare 2025

Minisitiri w'Intebe wa Slovakia, Robert Fico, asuhuzanya na Papa Francis ubwo yamusuraga i Vatican muri Gashyantare 2025

Muri Werurwe 2025, Vatican yashyize hanze ifoto ya Papa Francis ari muri shapeli y'Ibitaro bya Gemelli

Ubwo Papa Francis yagaragaraga ku karubanda nyuma yo kuva mu Bitaro bya Gemelli i Roma, muri Werurwe 2025

Visi Perezida wa Leta Zunze Ubumwe za Amerika, JD Vance, yasuye Papa Francis i Vatican kuri Pasika, ku wa 20 Mata 2025

Papa Francis yitabiriye Misa ya Pasika ku wa 20 Mata 2025

Papa Francis yitabye Imana ku wa 21 Mata 2025, afite imyaka 88. Ifoto yafashwe mu 2018.