00:00:00 IGIHE NETWORK KN KINYARWANDA EN ENGLISH FR FRANCAIS

Qatar: Umunyarwandakazi aherutse gushyirwa ku rutonde rw’abakozi b’indashyikirwa

Yanditswe na

IGIHE

Kuya 3 Gashyantare 2014 saa 08:05
Yasuwe :
0 0

Mu gihe gutanga serivisi nziza mu Rwanda bikinengwa na benshi, hari bamwe mu Banyarwanda bakorera mu mahanga bashimwa n’ababagana ndetse n’abakoresha babo kubera gutanga serivisi nziza, urugero ni urw’Umunyarwandakazi ukorera sosiyeti ikora ingendo z’indege ya Qatar Airways washyizwe ku rutonde rw’abakozi bakoze neza mu mwaka ushize wa 2013.
Karire Liliane niyo mazina ye akora muri kompanyi y’indege ya Qatar Airways aho akorera ku kibuga mpuzamahanga cy’indege cy’i Doha giherereye mu murwa (...)

Mu gihe gutanga serivisi nziza mu Rwanda bikinengwa na benshi, hari bamwe mu Banyarwanda bakorera mu mahanga bashimwa n’ababagana ndetse n’abakoresha babo kubera gutanga serivisi nziza, urugero ni urw’Umunyarwandakazi ukorera sosiyeti ikora ingendo z’indege ya Qatar Airways washyizwe ku rutonde rw’abakozi bakoze neza mu mwaka ushize wa 2013.

Karire Liliane niyo mazina ye akora muri kompanyi y’indege ya Qatar Airways aho akorera ku kibuga mpuzamahanga cy’indege cy’i Doha giherereye mu murwa mukuru w’igihuhu cya Qatar ku mugabane wa Asia. Akaba aherutse gushyirwa ku rutonde rw’indashyikirwa mu bakozi beza b’umwaka ushize wa 2013 aho akorera.

Mu kiganiro kirambuye yagiranye na IGIHE, Karire yadutangarije ko akora ku kibuga cy’indege cyakira abagenzi bo mu rwego rwo hejuru n’abanyacyubahiro bagenda mu cyiciro bita “Business class and first class” aho akora nk’ushinzwe kumenya ibibazo by’abagenzi no kubafasha mu ngendo zabo (Senior Hostess). Muri aka kazi ke niho akurikirana (Supervisor) mu byiciro bitandukanye ibijyanye no kugurisha amakike y’indege, n’ibindi (ticketing, lounges, checking counters, transfer desk) akaba agomba kumenyako abagezi babonye serivisi z’inyenyeri eshanu zo mu rwego rwo hejuru (Five stars services).

Karire agira ati “Twakira abagenzi bagendera muri “First and business class, mu byo nshinzwe harimo kumenya aho bagiye, kugira ubushobozi bwo gusubiza ibibazo byose byerekeraye sosiyeti nkorera, no kumenya by’ukuri ko ntanumwe ubura indege kuko biragoye gukorana n’abo batu bo muri icyo kiciro kuko hafi yabose baba ari abakomeye, abakire, abafite amasosiyeti yabo,bazi neza gufata neza umukiriya icyo ari cyo”.

Liliane Karire ukorera muri Qatar Airways i Doha

Uyu mukobwa avuga ko bitamutwaye igihe kinini ngo abashe kubona ako kazi, dore ko agiye kumara hafi imyaka ibiri akora ako kazi mu gihe mbere yo kujya gukora muri Qatar yabanje muri Sosiyeti y’Ababiligi yitwa Mec, aho yavuye ajya gukora muri Serena Hotel nk’ushinzwe kwakira abashyitsi “Guest services officer).

Yagize ati “Umwanya uwubona ukurikije uburyo witwaye, iyo uberetse ko ushoboye byose birashoboka, iyo wifitite ikizere akazi ako ariko kose wagakora.”

Tumubajije niba kugeza ubu nta mbogamizi ahura nazo mu kazi akora, yasubije ko ntazo akunze guhura nazo, ariko ngo rimwe na rimwe ajya abangamirwa n’abamubaza aho aturuka yababwira ko ari mu Rwanda ntibahamenye.

Agira ati “Birambangamira iyo bambajije ngo uturuka he, nababawira ngo mu Rwanda, bati muri uganda, cyangwa ugasanga ntabwo bamenye icyo gihugu. Benshi bo muri Asia ntabwo bazi u Rwanda pe! Gusa umpaye umwanya mubwira icyo gihugu icyo ari cyo n’aho giherereye”.

Karire wize amashuri yisumbuye mu ishuri rya Saint Vincent riherereye mu Karere ka Musanze mu Ntara y’Amajyaruguru akaniga amashuri makuru muri Kaminuza y’Abadiventisiti yo muri Afurika yo Hagati-UAAC, nyuma akomereza muri INILAK, mu kazi ke gasanzwe uyu mukobwa avuga ko hari byinshi agenda yungukira mo birimo kugira ubunararibonye, gukorana no guhura abantu bo mu bihugu bitandukanye, kumenya indimi n’imico y’ahandi, aka kazi kandi ngo kamuha n’amahirwe yo gutemberera hirya no hino ku Isi.

Ikindi kandi kimushimisha ngo ni ukuba akazi akora atanga serivisi bikanyura abo aziha. Aha rero niho ahera avuga ko n’Abanyarwanda bakwiye kugira umuco gutanga serivisi nziza ku babagana.

Agira ati “Abatanga seirivisi mu Rwanda bagomba kumenya ko umuntu wese uje abagana ariwe uba utumye baba bari kuri ako kazi, bahaba rero bagomba gutanga serivisi nziza by’ikirenga mu byo baba bakora byose (Excellence in everything).

Ni kenshi abatanga serivisi mu Rwanda bakomeje kunegwa ibijyanye n’imitangire ya serivisi, ndetse abayobozi ku nzego zose nta gihe badahwema gushishikariza abo bayobora ngo barusheho gutanga serivisi nziza mu byo bakora, kuko byagaragaye ko imitangire ya serivisi mu nzego nyinshi ikiri hasi.

Iyi Sosiyeti ya Qatar Airways yashinzwe mu kuwa 22 Ugushyingo 1993 uretse kuba ikorera ku mugabane wa Asia ifite n’ingendo ikorera mu Rwanda kuwa 21 Werurwe 2012. Ni umwe mu masositeti akomeye ku rwego rw’Isi mu bijyanye n’ingendo z’indege, dore ko iza ku mwanya wa kabiri nyuma ya Emiratse, mu rutonde rwakozwe mu mwaka wa 2013, naho ikibuga mpuzamahanga cy’i Doha kiza ku mwanya wa 68 ku rwego rw’Isi.

Karire na bamwe mubo bakorana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .