‘Sextoys’ ni ibikoresho byifashishwa n’umuntu ku giti cye agamije kuryoherwa n’ibirebana n’imibonano mpuzabitsina, bitamugombye kuba ari kumwe n’undi muntu bayikorana.

Icyakora hari n’ubwo abagiye gukorana imibonano mpuzabitsina bifashisha ‘sextoys’ bagamije kongera ubushake.

Mu gihe AI ikomeje guhabwa izindi mbaraga mu iterambere ry’uruganda rw’ikoranabuhanga, igice cyaryo cyibanda ku by’imibonano mpuzabitsina (Sextech) nticyarenzwa ingohe.

Nk’urugero kumwe purogaramu ya ChatGPT uyibaza ikibazo cyose ufite ikagira ibyo igusubizaho, habonetse porogaramu ikoresha AI ariko ikibanda gusa ku buzima bw’imyororokere, yaba ari imari ishyushye.

Ni ukuvuga ko amajwi, amashusho, n’ibisobanuro byimbitse mu nyandiko ku bijyanye n’ubuzima bw’imyororokere haba ku ruhande rw’umugabo cyangwa umugore, iyo porogaramu yaba ibasha kubigeza ku bayikoresha, bakabisobanukirwa mu buryo bwuzuye.

Tugarutse kuri ‘sextoys’, abasesenguzi bavuga ko zishyizwemo AI zarushaho kwigarurira imitima ya benshi.

Nk’urugero hari iz’abagabo bakoresha bikinisha, bakazambika igitsina cyabo. Zibaye zikoranye ikoranabuhanga rya AI, zabasha kumenya uburyo bufasha uyikoresha kugera ku munezero wa nyuma vuba, ubumuryohera hashingiwe ku kuntu yakunze kuyikoresha mu bihe byashize, n’uko byarushaho kumuryohera hakurikijwe uko abandi bazikoresha babigenza.

Wibuke ko AI ifite ububasha bwo kwiga no guhanga. Nayo ubwayo ishobora guhimba uburyo bwo gushimisha abakoresha ‘sextoys’, ishingiye ku makuru atandukanye yaba ifite.

Uretse abagabo, abagore nabo bagira ‘sextoys’ bagamije kongera ubushake.

Abasesenguzi bahamya ko bene izo hongewemo AI byatuma zibwiriza gukora aho uzikoresha akeneye kugira ngo arusheho kuryoherwa cyane cyangwa zikamwongerera ubushake vuba.

Niba utarumva ijambo ‘sex robots’ cyangwa ‘sexbots’ ni ubwoko bwa ‘robots’ zikorwa zimeze nk’abagore cyangwa abagabo, zifashishwa n’abagabo cyangwa abagore mu gihe cy’imibonano mpuzabitsina.

Izisanzwe ziboneka, nk’iyo ikoreshwa nk’umugore, umugabo abasha kuyinjizamo igitsina cye, yaba ikozwe mu buryo ifite n’urutirigongo ku buryo yayihindukiza nk’uko umugore ahindura uburyo iyo akorana icyo gikorwa n’umugabo.

Ikoreshwa nk’umugabo yo akenshi iba ihagaze cyangwa iryamye, umugore uyikoresha akaba ari we ugena uko imufashamo.

Kubera ko usanga akenshi ‘sexbots’ zikoreshwa zitavuga, abasesenguzi bagaragaza ko zishyizwemo AI zikabasha kuganiriza abazikoresha ku buryo mbere yo kuzifashisha mu mibonano mpuzabitsina habaho igisa no guteretana, byaba ari ikintu gihambaye.

Icyo gihe uyikoresha yajya ayibwira amagambo aganisha ku irari nayo ikamusubiza, uko aganira nayo anayikoraho bikamuzamurira ubushake.

Mu gihe cy’imibonano mpuzabitsina, ‘sexbots’ zikoresha AI zifashishwa mu mwanya w’abagore zabasha no gukora ka gasaku gakururira abagabo kugira umurava muri icyo gikorwa.

Ku ruhande rw’izikora nk’abagabo, nazo zabasha kuganiriza abagore mu gihe cy’imibonano mpuzabitsina kuko bene ibyo biganiro bibageza mu yindi Si.

Bamwe bateye amabuye ikoreshwa rya ‘sexbots’ bavuga ko ari ukwica umuco n’indangagaciro z’abantu, ariko abandi bazishimira ko zibaha ibyishimo bishingiye ku mibonano mpuzabitsina badahangayikishijwe n’indwara cyangwa ngo bagorwe no gushakira umwanya uhagije abo bateretana.

Hari n’abagaragaje impungenge ko ikoreshwa rya ‘sexbots’ rishobora kuzambura agaciro abagore, gusa uko byagenda kose umuntu aba ari umuntu ntiyagereranywa n’igikoresho.

AI bitekerezwa ko yanakwifashwa mu kurema porogaramu zajya ziganiriza abantu bafite irari, zibabwira amagambo aryoheye amatwi ajyanye n’ibyiyumvo byabo mu gihe runaka.

Nk’uko umuntu yumva hari amagambo akumbuye kumva agahamagara umukunzi we, akaba ari nako yajya afungura iyo porogaramu akaganira nayo.

Ikorababuganga rigomba gukoreshwa neza rikoroshya uburyo bw’imibereho, ariko ntirikwiye guhungabanya imiterere n’imigirire kamere ya muntu.

Ikoranabuhanga rikomeje kwinjira no mu bijyanye n’imibonano mpuzabitsina