Nyandwi Saddam yambitse impeta umukobwa yabengutse agiye mu myitozo (Amafoto)

Yanditswe na Eric Tony Ukurikiyimfura
Kuya 21 Nzeri 2020 saa 10:12
Yasuwe :
0 0

Myugariro w’iburyo muri Musanze FC, Nyandwi Saddam, yaraye ateye ivi asaba umukunzi we, Cyuzuzo Denise, kuzamubera umugore.

Nyandwi yatereye ivi kuri Heart Land Hotel i Nyamirambo ejo ku Cyumweru, ndetse umukunzi we, Cyuzuzo Denise amwemera kuzamubera umugore.

Uyu mukinnyi wakiniye Espoir FC na Rayon Sports, yabwiye IGIHE ko yashimishijwe no kuba Cyuzuzo yemeye kuzamubera umugore kuko yasanze ari umukobwa mwiza kandi witonda.

Ati “Namukundiye ko ari umwana witonda kandi mu gihe cy’imyaka ine tumaranye nagize igihe cyo kubona ko ari we ukwiye kuba umukunzi wanjye. Ndashimana Imana.”

Nyandwi yavuze ko kandi yakunze Cyuzuzo ubwo yamubonaga bwa mbere ari kujya mu myitozo.

Ati “Nari ngiye mu myitozo, mubona ku muhanda ndamuvugisha, ambwira ko nazamusanga iwabo. Tumenyana guhera icyo gihe.”

Nyandwi yinjiye mu ikipe ya Rayon Sports mu 2017 avuye muri Espoir FC, ku masezerano y’imyaka ibiri yarangiye muri Nyakanga 2019, ariko ayivamo mu mpera z’uwo mwaka.

Uyu mukinnyi wageranye na Rayon Sports muri ¼ cya CAF Confederation Cup mu mwaka w’imikino wa 2018, yatwaranye nayo kandi igikombe cya Shampiyona mu mwaka w’imikino wa 2018/19.

Muri 2017 Nyandwi yahamagawe inshuro ebyiri mu ikipe y’Igihugu ‘Amavubi’ yiteguraga imikino yo gushaka itike ya CHAN ya 2018.

Myugariro w’iburyo muri Musanze FC, Nyandwi Saddam, yaraye ateye ivi asaba umukunzi we, Cyuzuzo Denise, kuzamubera umugore
Cyuzuzo Denise yambitswe impeta na Nyandwi Saddam
Nyandwi Saddam amaze imyaka ine akundana na Cyuzuzo Denise
Nyandwi Saddam mu mwambaro w'Amavubi ubwo yahamagarwaga mu 2017

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .