Ku Cyumweru, tariki 14 Mutarama 2024, ni bwo Muvara yambitse impeta ya "Fiançailles", Umuhoza nk’ikimenyetso cyo kumusaba kuzamubera umugore.

Aba bombi bamenyanye ubwo biganaga ku kigo cy’amashuri cya Rusumo High School mu Ntara y’Iburasirazuba, mu Karere ka Kirehe, hagati ya 2013 na 2017.

Muvara w’imyaka 28, yakiniye amakipe atandukanye nka Rusumo High School, APR VC na Gisagara VC aherukamo mbere yo kwerekeza muri REG VC azatangira gukinira muri uyu mwaka w’imikino uteganyijwe gutangira tariki 20 Mutarama 2024.

Umuhoza yatunguwe na Muvara ubwo yamusabaga kuzamubera umugore

Akanyamuneza kari kose kuri Umuhoza nyuma yo gusabwa na Muvara kuzamubera umugore

Muvara na Umuhoza bamaze imyaka irindwi mu munyenga w'urukundo

Muvara na Umuhoza biganye mu mashuri yisumbuye