00:00:00 IGIHE NETWORK KN KINYARWANDA EN ENGLISH FR FRANCAIS

Muvandimwe Jean Marie Vianney ukinira Police FC yateye ivi (Amafoto)

Yanditswe na Habimana Sadi
Kuya 21 Kamena 2021 saa 06:31
Yasuwe :
0 0

Myugariro w’ibumoso w’Ikipe ya Police FC, Muvandimwe Jean Marie Vianney, yasabye umukunzi we, Umwali Rurangwa Irène, ko yazamubera umugore w’isezerano, amwambika impeta nk’ikimenyetso kibishimangira.

Ni ibirori byabaye ku Cyumweru tariki ya 20 Kamena 2021, bibera muri The Manor Hotel iherereye i Nyarutarama mu Mujyi wa Kigali.

Muvandimwe Jean Marie Vianney amaze imyaka umunani akundana na Umwali Rurangwa Irène uzwi ku izina rya Soleil.

Ku Cyumweru, uyu mukinnyi yapfukamye hasi maze asaba umukunzi we ko yazamubera umugore w’isezerano ndetse undi arabyemera, mu kubishimangira ahita amwambika impeta.

Abajijwe icyo yakundiye Umwali Rurangwa Irène bamaranye imyaka umunani yose bakundana, Muvandimwe yabwiye IGIHE ko ari byinshi birimo umuco.

Ati “Impamvu tumaranye igihe ni uko dukundana by’ukuri. Ni mwiza kandi afite umuco. Akunda Imana kandi yubaha akazi kanjye.“

Muvandimwe amaze imyaka itandatu muri Police FC yagezemo avuye muri Gicumbi FC. Kuva mu mwaka ushize yagiye agorwa n’imvune binamuviramo gutakaza umwanya ubanzamo.

Si kenshi abakinnyi b’umupira w’amaguru bakunda kugaragaza abakunzi babo, n’ababikoze usanga baba baramaze kwemeranya ko bazabana nk’umugore n’umugabo.

Muvandimwe yapfukamye hasi asaba umukunzi we kuzamubera umugore
Ikiganza cya Umwali Rurangwa Irène wambitswe impeta n’umukunzi we
Bagaragaje amarangamutima yabo nyuma y’umuhango wo kwiyemeza ko bazabana
Bari bafite akanyamuneza nyuma y'uyu muhango
Muvandimwe n'umukunzi we ntabwo bahishe amarangamutima yabo
Bombi bamaranye imyaka umunani bakundana
Muvandimwe yatangiye urugendo rwo kubaka urugo
Umwali Rurangwa Irène ngo yubaha akazi k'umukunzi we
Umwali Rurangwa Irène yahawe indabo nyuma yo kwambikwa impeta
Muri Gashyantare, Muvandimwe yasoje Icyiciro cya Kabiri cya Kaminuza muri ULK, mu Ishami ry'Imari
Muvandimwe Jean Marie Vianney amaze igihe adakina kubera imvune yagize mu mwaka ushize w'imikino
Muvandimwe amaze imyaka itandatu muri Police FC

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .