Yashegeye kujya i mahanga abenga umusore habura ibyumweru bibiri ngo barushinge

Yanditswe na

UWASE Ange

Kuya 23 Werurwe 2012 saa 12:31
Yasuwe :
0 0

Ubwo hari hasigaye ibyumweru bibiri ngo barushinge umusore Mazimpaka yatunguwe no kumva uwari fiyanse (fiancée) we amusezerera kuri telefone ko ubukwe bwabo butakibaye. Ibi byatewe n’uko uyu mukobwa yashakaga kwisangira undi musore mu mahanga
Ubwo twaganiraga na Mazimpaka yadutangarije ko yaramaranye imyaka irenga 7 n’umukunzi we bakundana kuko ngo biganye amashuri yisumbuye nyuma umukobwa akaza gukomeza muri imwe muri kaminuza yigenga, umuhungu nawe aza kubona buruse (bourse) arakomeza ubu (...)

Ubwo hari hasigaye ibyumweru bibiri ngo barushinge umusore Mazimpaka yatunguwe no kumva uwari fiyanse (fiancée) we amusezerera kuri telefone ko ubukwe bwabo butakibaye. Ibi byatewe n’uko uyu mukobwa yashakaga kwisangira undi musore mu mahanga

Ubwo twaganiraga na Mazimpaka yadutangarije ko yaramaranye imyaka irenga 7 n’umukunzi we bakundana kuko ngo biganye amashuri yisumbuye nyuma umukobwa akaza gukomeza muri imwe muri kaminuza yigenga, umuhungu nawe aza kubona buruse (bourse) arakomeza ubu akaba yarafite akazi aho yiteguraga kubana n’umukunzi we kandi ko bari barabyemeranyije ndetse n’imyiteguro y’ubukwe ikaba yaririmbanyije kuko bagombaga gusezerana kuwa Gatandatu utaha tariki 31 Werurwe 2012.

Intandaro yo gutandukana kwabo

Ibi bijya kuba ngo byatewe n’umwe mu nshuti za Mazimpaka uba hanze mu gihugu witwa (ntiyashatse kudutangariza irindi zina rye) waruzi ubucuti buri hagati ya aba bombi, akaba yarahamagaye umukobwa amubwira ko amukunda ko agomba kureka Mazimpaka ahubwo akaza bakibanira ko kandi agiye kumushakira ibyangobwa kugira ngo agende vuba amusange, amusaba guhakanira inshuti ye byihuse kuko ubukwe bwari hafi.

Uyu mukobwa akimara kumva ibyo uwo musore ambubwiye yihutiye gusezerera uwari ugiye kuba umugabo we amubwira ko ahagaritse ubukwe undi amubajije impamvu ntiyagira icyo amusubiza.

Mazimpaka wari ugeze kure imyiteguro yahise ajya kureba umukunzi we agirango ni bya bindi by’abakundana ngo aramukinisha.

Mu gahinda kenshi yagize ati: “Nagize ngo arakina buriya arashaka ko njya kumureba ariko natangajwe n’uko ibyo yambwiye kuri telefone byaje kuba impamo”.

Uyu musore akomeza avuga ko yahise ajya iwabo ariko umukobwa yanga kumwakira umusore ahera mu ruganiriro ategereza ko wenda yakibuka urukundo bakundanye akamwakira ariko bigeze mu masaha ya saa munani z’ijoro nibwo umukobwa yaje amubwira ko ibyo yamubwiye atakinaga ko ari ukuri, ababyeyi be n’umukunzi we bakomeje kumwinginga ngo ababwire ikibimuteye kuko ngo bakeka ko yagize ikibazo mu mutwe, ariko yaje kubabwiza ukuri ko yabonye undi kandi ugiye kumujyana hanze.

Mazimpaka avuga ko yatashye ababaye cyane ashaka uwo yabwira agahinda ke, ahita ahamagara wa musore (gusa ntiyari aziko ariwe watumye umukobwa amwanga) ngo amubwire ibimubayeho, undi yatangajwe no kumva ko batandukanye kandi azi ko ariwe nyirabayazana yahise asobanurira mugenzi we ko ibyo yabikoze yikinira ashaka kureba niba uwo mukobwa akunda inshuti ye by’ukuri ko we nta gahunda yari afite yo kumurongora.

Uyu mukobwa wabonye Isha itamba agata urwo yariyambaye akimara kumenya ko uwo musore yamubeshyaga yahise ajya gusaba Mazimpaka imbabazi, ariko kugeza ubu Mazimpaka avuga ko atarabasha kumubabarira kuko ngo yamubabaje cyane kandi ko bigoye kwakira ibyamubayeho.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza