Ese kugira inshuti magara mudahuje igitsina, byabangamira umukunzi wawe?

Yanditswe na

Eugenie Umuhoza

Kuya 21 Mata 2013 saa 11:02
Yasuwe :
0 0

Usanga abantu bamwe bumva umusore cyangwa umukobwa ufite umukunzi agomba gushaka undi muntu ku ruhande w’inshuti magara badahuje igitsina, ku mpamvu zitantandukanye, ariko na none hari ababigiraho impungenge ko hari ikindi cyabyihisha inyuma bikabangamira umukunzi.
Mu kiganiro na IGIHE, abantu batanze ibitekerezo bitandukanye, bamwe bagaragaza ko babona ko ari ngombwa kugira uwo badahuje igitsina baganira buri cyose atari umukunzi we; abandi bakagaragaza ko bisaba ubushishozi. (...)

Usanga abantu bamwe bumva umusore cyangwa umukobwa ufite umukunzi agomba gushaka undi muntu ku ruhande w’inshuti magara badahuje igitsina, ku mpamvu zitantandukanye, ariko na none hari ababigiraho impungenge ko hari ikindi cyabyihisha inyuma bikabangamira umukunzi.

Mu kiganiro na IGIHE, abantu batanze ibitekerezo bitandukanye, bamwe bagaragaza ko babona ko ari ngombwa kugira uwo badahuje igitsina baganira buri cyose atari umukunzi we; abandi bakagaragaza ko bisaba ubushishozi.

Mukabalisa Doroteya w’imyaka 27, ni ingaragu, yagize ati ”Mfite umukunzi, ariko nkagira n’undi mugabo w’inshuti yanjye tuganira byinshi tukanagirana inama nyinshi zidufasha mu buzima, zimwe ntanabasha kubwira umukunzi wanjye, kandi aranabizi ko ari inshuti yanjye, ntabwo bihungabanya urukundo rwacu na gato."

Umutoni Marine ati ”Kuba mfite inshuti magara y’umusore byatumye menya ibyo nkwiye kuganira n’abasore n’abagabo, kuko amfasha kumenya neza uburyo igitsina gabo giteye, akaba ashobora kungira inama zose zishobora gutuma menya uburyo nitwara imbere y’umukunzi wanjye kugira ngo urukundo rwacu rukomere. Kugisha inama bagenzi banjye b’abagore ntago nabikora kuko benshi nta banga bagira, kongeraho ishyari.”

Gasana Didier ufite imyaka 42 arubatse, ati "Gushaka inshuti magara y’igitsina gore uri umugabo ntabwo byoroshye nubwo iba ikenewe, ndamutse nyigize umugore wanye ashobora kumva ko muca inyuma, no ku muntu utarashaka nawe ntibyoroshye kuko ntabwo haburamo urwikekwe.”

Gasana Athanasie w’imyaka 29, we avuga ko bene ubwo bucuti ari ubwo kwitonderwa, kuko bishoboragukurura ibibazo aho kugira ngo bigire icyo bikemura, ahubwo ugasanga uwitwa ko ari umukunzi umuca inyuma n’iyo wita ko ari inshuti magara yawe.

Amakuru dukesha urubuga jerecuperemonex, bavuga ko ubucuti bwo gushaka inshuti magara y’igitsina mudahuje ngo bitabaho, akenshi buhoro buhoro hazamo ubundi bucuti kuko iyo ukunda umuntu ukamubitsa amabanga yawe yose na we akakubwira aye, muza gushiduka mwarengereye ntimumenye aho mugarukiriza ubucuti, ugasanga birangiye ahubwo mubaye abakunzi mwembi. Ibi ni ibivugwa n’abantu batandukanye buri wese afite uko abibona.

Inshuti magara

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza