Dubai: Ku myaka 13, Dushimimana yegukanye miliyoni hafi 9 mu irushanwa ryo gusoma Korowani

Yanditswe na

Thamimu Hakizimana

Kuya 8 Nyakanga 2015 saa 09:24
Yasuwe :
0 0

Umwana w’Umunyarwanda w’imyaka 13 witwa Dushimimana Saidi yegukanye miliyoni 8,700,000 z’amafaranga y’u Rwanda mu irushanwa mpuzamaghanga ryo gusoma Korowani, ryaberaga i Dubai muri Leta zunze ubunwe z’Abarabu, rigahuza abatarengeje imyaka 21.

Amarushanwa mpuzamahanga ry’abatarengeje imyaka 21 ryo gusoma ikorowani yaberaga i Dubai muri Leta zunze Ubumwe z’Abarabu yasojwe umwana w’umunyarwanda w’imyaka 13 uvuka mu Karere ka Rubavu mu Ntara y’Iburengerazuba witwa yegukanye amadolari y’Amerika 11,850 angana na miliyoni 8,700,000.

Ku wa Kabiri tariki ya 7 Nyakanga ni bwo Dushimimana yashyikirijwe igihembo cye cy’amadolari ya Amerika 11,850, ni ukuvuga miliyoni 8,700,000 nyuma yo kwegukana umwanya wa 31 muri bagenzi be bari bahagarariye ibihugu 73.

Dushimimana Saidi azi Qur’an mu mutwe

Muri uyu muhango wo gusoza ayo marushanwa wari witabiriwe n’umwana w’umuyobozi mukuru w’Umujyi wa Dubai Mohammed Bin Rashid akaba yaratangiye tariki 25 Kamena asozwa ku wa Kabiri w’ejo hashize.

Umwanya wa mbere ukaba waregukanywe n’umunya Arabia Saudite wahembwe akayabo k’ibihumbi 63,300 by’amadolari ya Amerika, uwa Kabiri wegukanwa n’umunyamerika wahawe ibihumbi 54,640 by’Amadolari.

Umuyobozi wa DAARUL QURAN, umuryango nyarwanda ugamije kwimakaza uburezi bushingiye kuri Qur’an akaba yatangarije IGIHE ko bishimiye uyu mwanya u Rwanda rwegukanye, cyane ugereranyije n’ibihugu byari byaryitabiriye.

Yagize ati “Mbere na mbere ndashima Leta y’u Rwanda yahaye abayisilamu ijambo kuko iyo tutaba turifite uyu mwana atari kugaragara muri aya marushanwa. Ikindi nkanashima ababyeyi b’uyu mwana bagize uruhare rukomeye rwo kwigisha umwana wabo kuko hari n’Abarabu yarushije gusoma neza mu gihe korowani yanditse mu rurimi rwabo”.

Dushimimana Saidi biteganyijwe ko azagera mu Rwanda saa ine za mu gitondo ku wa Kane tariki ya 9 Nyakanga ndetse akazakirwa saa kumi n’imwe ku musigiti wo kwa Khadafi i Nyamirambo.

Gusa iri rushanwa rikaba ritegurwa na Leta Zunze Ubumwe z’Abarabu buri mwaka mu rwego rwo kugirango ishishikarize abana b’Abaysiramu gukunda gusoma Korowani cyane cyane muri iki gihe cy’igisibo gitagatifu cya Ramazani.

Dore ibihugu 10 byabaye ibya mbere

1. Saudi Arabia
2.Usa
3.Bangladesh
4.Indonesia
5.Lybia
6.Yemen
7.Sudan
8. Cote d’ivoire
9 Thailand
10.Egypt

Dushimimana yahise yakirwa n'abanyarwanda baba i Dubai
Dushimimana ari kumwe na Mohammed Bin Rashid

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza