Dian Fossey Nyiramacibiri yishwe tariki ya 27 Ukuboza 1985

Yanditswe na

Noël Turikumwe

Kuya 27 Ukuboza 2012 saa 09:19
Yasuwe :
0 0

Tariki ya 27 Ukuboza mu 1985 ni bwo Dian Fossey wari umushakashatsi mu ngagi zo mu birunga, yasanzwe yishwe n’abantu batazwi. Yari yakubiswe mu mutwe kandi afite ibikomere by’umuhoro.
Dian Fossey bitaga Nyiramacibiri yavukiye i San Francisco muri California mu mwaka wa 1932. Yaje gukura ari umuhanga akura akunda inyamaswa, kugeza ubwo ava mu ishuri ry’ibijyanye n’ubucuruzi yari yahitiwemo na se, agakomereza mu bijyanye n’inyamaswa; maze abona impamyabushobozi mu buvuzi bw’amatungo mu Ishuri (...)

Tariki ya 27 Ukuboza mu 1985 ni bwo Dian Fossey wari umushakashatsi mu ngagi zo mu birunga, yasanzwe yishwe n’abantu batazwi. Yari yakubiswe mu mutwe kandi afite ibikomere by’umuhoro.

Dian Fossey bitaga Nyiramacibiri yavukiye i San Francisco muri California mu mwaka wa 1932. Yaje gukura ari umuhanga akura akunda inyamaswa, kugeza ubwo ava mu ishuri ry’ibijyanye n’ubucuruzi yari yahitiwemo na se, agakomereza mu bijyanye n’inyamaswa; maze abona impamyabushobozi mu buvuzi bw’amatungo mu Ishuri rikuru ryo rya California.

Mu 1963 Dian Fossey yatangiye urugendo muri Afurika, aho yafashe amafaranga yabitse, agasaba n’inguzanyo mu mabanki, akazenguruka muri pariki nyinshi zo muri Afurika.

Agendeye ku bushakashatsi bwakozwe n’abashakashatsi b’abanyamerika, ku nyamaswa mu 1959 ku ngagi zo mu misozi miremire, yiyemeje na we gukora ubundi na we.

Mu 1966 yavuye muri Kenya yerekeza mu Birunga mu 1967, gukora ubushakashatsi ku ngagi. Yari amaze gusobanukirwa byinshi ku mibereho yazo, akaba yari amaze kuba inshuti n’izi nyamaswa zo mu misozi miremire.

Inkuru y’urupfu rwe ikaba yaramenyekanye ku itariki ya 27 Ukuboza mu 1985, aho yasanzwe yakubiswe cyane mu mutwe, anafite ibikomere by’umuhoro mu mutwe. Dian Fossey Nyiramacibiri akaba yarashyinguwe muri Kalisoke inyuma y’inzu yabagamo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza