Amateka y’umugore wa mbere wabaye perezida ku mugabane wa Afurika

Yanditswe na

Tombola Felicie

Kuya 7 Mutarama 2015 saa 07:00
Yasuwe :
0 0

Ellen Johnson Sirleaf , uyoboye igihugu cya Liberia, niwe mugore wa mbere wabaye perezida ku mugabane wa Afurika mu mwaka wa 2006.
Yavutse ku ya 29 Ukwakira 1939 avukira mu murwa mukuru wa Liberia Monrovia, ababyeyi be bamwita Ellen Johnson, aza kwitwa Sirleaf nk’izina arikuye ku mugabo we James Sirleaf nk’uko tubikesha urubuga nkusanyabumenyi, Wikipedia.
Yize amashuri atandukanye, ahabwa impamyabumenyi ya kaminuza mu by’icungamutungo na na Madison Business College, muri Leta zunze (...)

Ellen Johnson Sirleaf , uyoboye igihugu cya Liberia, niwe mugore wa mbere wabaye perezida ku mugabane wa Afurika mu mwaka wa 2006.

Yavutse ku ya 29 Ukwakira 1939 avukira mu murwa mukuru wa Liberia Monrovia, ababyeyi be bamwita Ellen Johnson, aza kwitwa Sirleaf nk’izina arikuye ku mugabo we James Sirleaf nk’uko tubikesha urubuga nkusanyabumenyi, Wikipedia.

Yize amashuri atandukanye, ahabwa impamyabumenyi ya kaminuza mu by’icungamutungo na na Madison Business College, muri Leta zunze Ubumwe za Amerika abona iy’icyiciro cya gatatu cya kaminuza mu miyoborere ayihawe na kaminuza ya Harvard.

Ellen Johnson Sirleaf

Ellen yabaye minisitiri w’ungirije mu by’icungamutungo ubwo Liberia yayoborwaga na Tolbert William mbere y’uko ahirikwa ku butegetsi na Sgt. Samuel Doe.

Ubwo uwo perezida Tolbert yicwaga mu 1980 , Ellen yahungiye muri Kenya ndetse azakujya no muri Leta Zunze Ubumwe za Amerika aho yabaye umuyobozi w’ihuriro Mpuzamahanga ry’Amabanki.

Mu 1985 ubwo yagarukaga muri Liberia yabaye umusenateri ariko afungwa imyaka icumi azira kunenga imyitwarire ya Samuel Doe wari uyoboye igihugu ariko ntiyakirangiza ahungira muri Leta Zunze Ubumwe za Amerika.

Nyuma yo gufasha Charles Taylor guhirika Samuel Doe mu 1990 , Ellen ntiyahiriwe no gutsinda amatora yo 1997 yegukanywe na Taylor.

Mu mwaka wa 2005 mu nkundura yo kuvana Taylor ku butegetsi, Ellen yahise aba umuyobozi w’Ishyaka ry’ubumwe (Unity Party) rimugira umukandida atsinda amatora atsinda umukinnyi wa ruhago George Weah bari bahanganye.

Ellen yarahiye tariki ya 16 Mutarama muri 2006, aba abaye umugore wa mbere ubaye umukuru w’igihugu ku mugabane wa Afurika.

Muri 2011 yahawe igihembo cy’amahoro cyitiriwe Nobel kubera kugira uruhare mu guharanira amahoro no kugira uruhare mu kurengera abagore no kubaha uburenganzira mu bikorwa byo kubaka amahoro”

Ellen mu ihuriro mpuzamahanga ry'ubukungu

Muri uwo mwaka kandi , Ellen yongeye gutorerwa manda ya kabiri imara imyaka itandatu.

Ikinyamakuru Forbes cyamushyize ku rutonde rw’abagore 70 bakomeye ku ku isi mu mwaka 2014.

Ellen Johnson Sirleaf yashakanye na James Sirleaf babyarana abana bane b’abahungu, ariko nyuma baza gutandukana. Sirleaf ubu afite abuzukuru umunani .

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza