Mollie, izina ry’umukobwa uhorana ibyishimo

Yanditswe na Ndayikunda Josué
Kuya 12 Mutarama 2020 saa 08:03
Yasuwe :
0 0

Mollie ni izina ry’abakobwa rikomoka mu rurimi rw’ikilatini aho risobanurwa ngo ‘inkombe y’uruzi”, rikaba rinafitanye isano n’irindi zina ryo muri Ireland ryitwa Molly.

Mu kinyejana cya 19 iri zina ryari mu gihumbi akunzwe kurusha ayandi ku isi, gusa uko iminsi yagiye ishira ryagiye risubira inyuma.

Mu kinyejana cya 21 iri zina ryongeye kwigarurira imitima y’abatari bake dore ko nko muri Ireland ya ruguru riri mu 100 ya mbere akunzwe kurusha ayandi. Australie, u Bwongereza na Leta Zunze Ubumwe za Amerika ni ibindi bihugu usanga Mollie riri guhabwa abana benshi.

Mollie ni izina rifitwe n’ibindi bihanganjye n’ibyamamare ku isi bitandukanye nk’umwongereza witwa Mollie Sugden, umuririmbyi Mollie King na Mollie Hunter.

Ibiranga ba Mollie

Ba Mollie ni abakobwa b’abanyembaraga bafite ubumuntu butuma bahora bishimye bakanarangwa no kugira amarangamutima. Ni abanyempano mu bijyanye n’ubugeni, ibi bigatuma kunezeza abandi bitabagora.

Ibinezaneza bihora biranga aba bakobwa bituma umubare munini w’abantu bumva bahorana nabo, bimwe bita mukushi ntiwabibona kuri ba Mollie. Kubera guhorana ibyishimo n’udukorwa baba bakora hari ababita abana.

Aba bakobwa ni abo kwizerwa, bakunda abantu, kandi bo babaho ubuzima bw’uyu munsi ntibahangayikishwa n’iby’ejo. Ni abahanga mu kwisobanura mu bandi, bakanakunda kugaragara mu bikorwa bitandukanye.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza