Amelia, izina ry’umukobwa uzwiho gukunda umurimo

Yanditswe na Mukaneza M.Ange
Kuya 27 Gashyantare 2019 saa 08:55
Yasuwe :
0 0

Amelia, ni rimwe mu mazina ahabwa abana b’abakobwa agezweho muri iki gihe, rifite inkomoko mu Kilatini aho risobanura ‘umuntu ukunda umurimo’.

Ni rimwe mu mazina yatangiye gukundwa cyane kuva mu kinyejana cya 19, urubuga BabyCenter rugaragaza ko riza ku mwanya wa gatandatu mu mazina y’abana b’abakobwa akunzwe cyane mu 2019.

Mu bantu bazwi cyane ku Isi biswe iri zina harimo Amelia Earhart wabaye umugore wa mbere watwaye indege hejuru y’inyanja ya Atlantique ndetse akaza gushinga Ihuriro mpuzamahanga ry’abagore batwara indege rizwi nka “Ninety-Nines” rigira uruhare mu myigire y’abana b’abakobwa bifuza kwinjira muri uyu mwuga.

Bimwe mu biranga ba Amelia

Amelia ni umunyembaraga urangwa no gukoresha ingufu ze zose mu bintu yabanje gushyiramo inyurabwenge.

Ni umuntu akenshi urangwa no gutekereza no gutegura imishinga itandukanye ariko akishimira ko abandi aribo bayishyira mu bikorwa. Nta gira ubwoba, arangwa n’amatsiko ari nabyo bituma ashishikazwa n’ubushakashatsi.

Usanga iteka aba azi icyo ashaka mu buzima n’impamvu yacyo ndetse agahora ashakisha ahari amahirwe mashya yatuma yishimira ubuzima kurushaho.

Ntatinya gukora ibintu abona ko bimugiraho ingaruka igihe cyose aziko ariyo nzira yatuma agera ku ntego yihaye.

Nubwo ari inyangamugayo kandi akanga akarengane kuko azi neza ko byatuma abanirwa neza n’abandi, ashyira imbere kwaguka kwe ku buryo iteka bimugora kubahiriza amategeko n’amabwiriza ashobora kumuzitira.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza