Iwawa: RDF igiye gusiramura ku buntu abasaga 1,300

Yanditswe na Mathias Hitimana
Kuya 5 Gicurasi 2014 saa 09:15
Yasuwe :
0 0

Ibitaro bya gisirikare bya Kanombe byatangiye ibikorwa by’ubuvuzi bizamara ibyumweru bibiri mu kigo ngororamuco kinigisha imyuga giherereye Iwawa mu Kiyaga cya Kivu, kuri uyu wa Mbere. Muri ibi byumweru bibiri, Maj Dr King Kayondo, umuganga mu bitaro bya Kanombe, yavuze ko abasaga 1,350 bari kugororerwa Iwawa bazasiramurwa ku buntu, kandi ngo bazigishwe no ku gakoko gatera SIDA, ububi bwako n’uburyo bwo kukirinda.
Umuyobozi w’ibitaro bya Gisirikare bya Kanombe, Col Ben Karenzi, yabwiye uru (...)

Ibitaro bya gisirikare bya Kanombe byatangiye ibikorwa by’ubuvuzi bizamara ibyumweru bibiri mu kigo ngororamuco kinigisha imyuga giherereye Iwawa mu Kiyaga cya Kivu, kuri uyu wa Mbere.

Muri ibi byumweru bibiri, Maj Dr King Kayondo, umuganga mu bitaro bya Kanombe, yavuze ko abasaga 1,350 bari kugororerwa Iwawa bazasiramurwa ku buntu, kandi ngo bazigishwe no ku gakoko gatera SIDA, ububi bwako n’uburyo bwo kukirinda.

Umuyobozi w’ibitaro bya Gisirikare bya Kanombe, Col Ben Karenzi, yabwiye uru rubyiruko ko kwisiramuza bigabanya ibyago byo kwandura agakoko gatera SIDA ku kigero cya 60% , anarusaba kwirinda imibonano mpuzabitsina idakingiye kuko ishyira ubuzima bwabo mu kaga.

Urubyiruko ruri Iwawa rutegereje kwisiramuza ku buntu

Igikorwa cyo kwisiramuza mu Rwanda kiri kugenda kitabirwa cyane n’urubyiruko, kuko usibye iby’ubushakashatsi bugaragaza ko bitanga amahirwe menshi yo kuba atakwandura ku buryo bworoshye agakoko gatera SIDA ugereranyije n’udasiramuye, bikurura benshi kuko ari n’uburyo bwo kugira isuku ku bagabo. Bigeze n’aho hari n’abakobwa bavuga ko bakundanye n’umusore bagasanga adasiramuye babipfa.

Igisirikare cy’u Rwanda kigaragara kenshi mu mwaka mu bikorwa byo kugoboka abaturage mu buvuzi, by’umwihariko mu cyumweru kiba cyahariwe ibikorwa bitandukanye, Army week.

Igisirikare cy'u Rwanda cyatangirije Iwawa "Army week"
Urubyiruko rurenga 1300 ruzasiramurwa ku buntu
Kugera Iwawa hifashishwa ubwato kuko ni mu kiyaga cya Kivu

Amafoto/RDF


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza