Cogebanque ikomeje guteza imbere ikoranabuhanga ibinyujije muri ‘SIRIMUKA’

Yanditswe na Mukaneza M.Ange
Kuya 17 Nzeri 2018 saa 09:32
Yasuwe :
0 0

Banki Nyarwanda y’Ubucuruzi, Cogebanque yatangije ubukangurambaga yise “SIRIMUKA”, bugamije kurushaho guteza imbere ikoranabuhanga mu itangwa rya serivisi z’imari.

Muri ubu bukangurambaga bwatangijwe mu cyumweru gishize, Cogebanque izamenyekanisha uburyo butandukanye igeza ku bakiliya bayo bakabasha kubona serivisi zayo zose bitabasabye kugera ku mashami ya banki.

Ubu buryo burimo Internet Banking, porogaramu ya telefone izwi nka “Coge mBank”, amakarita yo kubikuza no guhahisha ya MasterCard arimo; Debit, Credit na Prepaid cards.

Hari kandi na ‘Coge Mobile’ ikoreshwa n’abafite telefoni zisanzwe banyuze ku *505#.

Umuyobozi ushinzwe serivisi z’ikoranabuhanga muri Cogebanque, Yvon Gilbert Nishimwe, yavuze ko ubu bukangurambaga buje gushyigikira gahunda ya guverinoma yo guteza imbere ubukungu butarangwamo guhererekanya amafaranga mu ntoki.

Ati “ Uburyo bw’ikoranabuhanga twashyizeho bugamije gusubiza ibyifuzo bitandukanye by’abakiliya bacu. Abakiliya ba Cogebanque bafite telefone zisanzwe, smartphones, tablets na Mastercards bashobora kubona serivisi zacu aho bari, igihe cyose.”

Nishimwe yakomeje avuga ko nka banki ishyira imbere guha umukiliya ibyo yifuza kandi akeneye, ubu buryo bw’ikoranabuhanga bufite agaciro gakomeye.

Umuyobozi Mukuru wa Cogebanque, Cherno Gaye nawe yunze mu rye avuga ko bumva neza ko gusubiza ibyifuzo bitandukanye by’abakiliya, ari umusingi mu gutuma bishimira serivisi iyi banki itanga bityo igakomeza kwitwara neza ku isoko.

Uretse kuba ubu buryo bw’ikoranabuhanga Cogebanque yashyiriyeho abakiliya bayo butuma barushaho kubona serivisi z’imari mu mutekano usesuye, bunatuma babasha kwizigamira haba mu buryo bw’igihe n’amafaranga.

Ikindi nuko abakoresha ikoranabuhanga babasha kugenzura ibikorerwa kuri konti zabo aho bari hose ku Isi, kwishyura serivizi n’ibicuruzwa igihe cyose n’aho bari hose kandi mu gihe gito gishoboka.

Cogebanque yemewe nka Banki y’Ubucuruzi na Banki Nkuru y’u Rwanda (BNR) kuva mu 1999, Mu myaka itanu ishize umutungo wayo n’inyungu byagiye byiyongera nibura 20% buri mwaka.

Cogebanque yatangije ubukangurambaga yise 'SIRIMUKA' bugamije kumenyekanisha uburyo butandukanye wabonamo serivisi zayo ukoresheje ikoranabuhanga

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza