Pariki y’Ibirunga icumbikiye ingagi iteye ite ?

Pariki y’Ibirunga icumbikiye ingagi iteye ite ?


Yanditswe kuya 15-06-2012 - Saa 13:58' na Emmanuel Nshimiyimana

Pariki y’Ibirunga ni imwe mu mapariki atatu y’u Rwanda, iherereye mu Burengerazuba bw’Amajyaruguru y’u Rwanda ihana imbibi na Pariki nkuru y’Ibirunga y’igihugu cya Repuburika Iharanira Demokarasi ya Congo ndetse n’iya Uganda.

Aka gace gakikijwe n’urusobe rw’Ibirunga nka Karisimbi, Muhabura, Gahinga, Sabyinyo, na Bisoke. Aha hantu nyaburanga kandi hakunzwe kuba harangwa n’imvura amashyamba, n’imigano. Ikirunga gisumba ibindi ni Kalisimbi kikaba gifite metero 4,507 z’ubutumburuke, hakaba hari urusobe rw’ibinyabuzima rw’ingeri zose, inyamanswa ndetse n’ibimera.

Amakuru dukesha nkuringowalkingsafaris.com avuga ko iyi Pariki y’Ibirunga ya tangijwe mu mwaka wi 1925 ni nayo yabayeho ubwambere muri Afurica. Igitangira yatangiye ari ntoya kandi yari ikikijwe n’ibirunga 3 aribyo Kalisimbi, Bisoke, na Mikeno, iyi Pariki kandi yari yaratangijwe mu rwego rwo kurinda ingagi barushimusi bahigaga kuburyo butemewe n’amategeko, nyuma mu mwaka 1929 izakwaguka igera mu Rwanda, ndetse n’icyari Congo-Mbiligi, kandi icyo gihe yirwaga Albert arinawe wari wayishinze, icyo gihe rero ikaba yari mu maboko y’Abayobozi b’Abakoloni b’Ababiligi.

Mu mwaka w’i 1960 iyi Pariki yahungabanyijwe cyane n’ibikorwa bya barushimusi ndetse muri icyo gihe iyi Pariki yagabanutse ho nibura kimwe cya kabiri ugerera nyije n’uko yanganaga igitangira.

Mu mwaka 1967 Dain Fossy impuguke mu by’ubumenyi bw’inyamaswa ikomoka muri America ihahindura ahantu nyaburanga ndetse aza no kuhashinga ikigo cy’Ubushakashatsi kizwi ku izina rya (Karisokee Research Center) maze ashishikariza cyane amahanga gukora byinshi mu kwita ku ngagi zo mu misozi miremire zabonekaga muri iyi Pariki.

Kubera kwita cyane kungangi byaje gutuma habaho umutekano wazo ndetse ba rushimusi arabahabya ariko nyuma aza kwicwa n’umuntu utaramenyekanye amusanze iwe mu mwaka wi 1985, bakaba baratekereje ko ari umwe muri ba rushimusi.

Nyuma iyi Pariki yaje guhinduka indiri ndetse n’ibirindiro by’abarwanyi nyuma ya Jenocide yakorewe Abatutsi mu Rwanda mu mwaka w’1994 maze ibikorwa by’ubukerarugendo birahagarara nyuma bizakongera gutangizwa mu mwaka w’1999.

Urusobe rw’ibinyabuzima muri Pariki y’iguhugu y’Ibirunga

Ibimere biboneka muri aka gace bigenda bihinduka bitewe nuko uburebure bw’ibirunga nabwo bugenda buhinduka.

Mbere nambere iyi Pariki imenyekana cyane cyane bitewe n’ingagi n’izindi nyamanswa z’inyamabere, ni ukuvuga izororoka zidateye amagi zirimo inguge z’ishyamba, imbogo, n’ingwe, n’ubwo zidakunze kuboneka, ndetse hari n’amoko y’inyoni z’amoko agera ku 178.

Ingagi nizo zisurwa cyane muri iyi Pariki urugendo rutangirira ku kicaro iyi Pariki mu Kinigi haboneka nibura ku munsi ba mukerarugendo bagera kuri 56, kandi urugendo rumara nibura isaha imwe.

Ibiciro byo gusura bihinduka bitewe n’aho uturuka Umunyamahanga atanga amadorari 500 y’Abanyamerika iyo ushaka gusura, ariko iyo uri umunyamahanga utuye mu Rwanda utanga amadorari 250 naho waba uri Umunyarwanda ugatanga ibihumbi 20,000 byamafaranga y’u Rwanda.

Iyo uturuka mu Muryango w’Ibihugu by’Africa y’Uburasirazuba utanga amadorari y’Abanyamerika 300 ariko waba utuye mu Rwanda ugatanga 200, kandi iyo uri umunyeshuri ukomoka mu Muryano w’Ibihu by’Africa y’Uburasirazuba nabyo byitabwaho .

Ushobora gusurara kandi n’Inva y’Umunyamerikakazi wari impuguke mu by’ubuzima bw’inyamaswa wanagize uruhare rudasubirwaho mu mibereho y’iyi Pariki kuhagera ukoresha iminota 30 uturutse mu Kinigi.

Dr Dian Fossey wari warakundanye n'ingagi zo mu birunga


Foto:F-a-l-c-o.tumblr.com

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO