Abahanzi Dashim na P-Fla ntibacana uwaka

Yanditswe na
Kuya 24 Mata 2012 saa 11:45
Yasuwe :
0 0

Umuhanzi Dashim aratangaza ko kuri ubu umubano we n’umuraperi P-Fla umeze nk’uw’injangwe n’imbeba nyuma yo kumuhombya ibihumbi bigera muri 250, amuhagarikishiriza igitaramo.
Mu mpera z’icyumweru dusoje, umuhanzi Dashim yari yateguye igitaramo cyo gusezera abanyeshuri bari basoje ibiruhuko, ariko iki gitaramo nticyabashije kuba kubera ubwumvikane buke yagiranye n’umuraperi P-Fla wari wateganijwe kuririmba.
IGIHE yegereye umuhanzi Dashim adutangariza ko kuwa Gatanu tariki 20 Mata 2012, umunsi (...)

Umuhanzi Dashim aratangaza ko kuri ubu umubano we n’umuraperi P-Fla umeze nk’uw’injangwe n’imbeba nyuma yo kumuhombya ibihumbi bigera muri 250, amuhagarikishiriza igitaramo.

Mu mpera z’icyumweru dusoje, umuhanzi Dashim yari yateguye igitaramo cyo gusezera abanyeshuri bari basoje ibiruhuko, ariko iki gitaramo nticyabashije kuba kubera ubwumvikane buke yagiranye n’umuraperi P-Fla wari wateganijwe kuririmba.

IGIHE yegereye umuhanzi Dashim adutangariza ko kuwa Gatanu tariki 20 Mata 2012, umunsi umwe mbere y’uko igitaramo kiba yamenye ko yajyanwe mu rukiko, agishije inama abantu basobanukiwe mu by’amategeko bamubwira ko ibyiza ari uko yahagarika igitaramo.

Bukeye nibwo yagerageje kuvugana na P-Fla kuri telefone amubwira ko yamaze kumujyana mu rukiko, nta cyo kuvugana gihari.

Ati:”Nyuma naje kumenya ko atari P-Fla ahubwo ari abashinzwe kureberera inyungu ze bari bagiye kunjyana mu rukiko, harimo uwitwa Amani”.

Dashim yakomeje atangaza ko kubera aya makimbirane, abona umubano yari afitanye na P-Fla usigaye umeze nabi kuko guhagarikisha igitaramo cye byishe amazina y’abahanzi bagombaga kuririmbamo, ndetse hari n’abafana bari baturutse mu ntara batabashije gukurikira igitaramo.

Ku murongo wa telefoni, umuraperi P-Fla yabanje kutumenyesha ko adashaka kuvuga kuri Dashim.

Agira ati:”Kuri jye he is a nobody, sinshaka kuvuga iby’uwo mupeti”.

P-Fla yanadutangarije ko iyi ari intangiriro yo kwiyama abantu bakunda gukoresha izina rye mu itegurwa ry’ibitaramo byabo kandi batigeze bamwegera ngo bavugane, bityo izina rye rikahangirikira kuko iyo abakunzi be baje ntibamubone babifata ukundi cyangwa bagakeka ko ari ubutekamutwe.

Ku byo kujyana Dashim mu rukiko, P-Fla yabiteye utwatsi ati:”Ntabwo ari uko dukora, ntabwo nigeze njya mu rukiko kumurega”.

Abahanzi bo mu Rwanda bakunze kwijujutira ko amazina yabo yakoreshejwe mu kwamamaza ibitaramo bitandukanye nyamara batigeze babimenyeshwa, ariko bikarangira ntacyo bitanze kuko bari bataratangira kugana inkiko.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza