00:00:00 IGIHE NETWORK KN KINYARWANDA EN ENGLISH FR FRANCAIS

Shyaka Sandro, umucuruzi ukomeye i Rubavu yashimutiwe muri RDC

Yanditswe na Mukwaya Olivier
Kuya 13 Gicurasi 2021 saa 10:33
Yasuwe :
0 0

Umucuruzi ukomeye mu Karere ka Rubavu ariko ufite ibikorwa mu Mujyi wa Goma, Sandro Shyaka, yashimutiwe muri RDC mu gitondo cyo kuri uyu wa Gatatu tariki ya 12 Gicurasi 2021 ahitwa Kimoka mu bilometero 30 uvuye i Goma ubwo yari mu muhanda uva i Sake ugana Kitshanga muri Masisi.

Bivugwa ko Shyaka yashimuswe n’abantu bataramenyekana, bamujyana ahantu hatazwi n’aho uwo bari kumwe mu modoka akomerekera muri icyo gikorwa ariko bamusiga aho.

Ukuriye Sosiyete Sivile i Goma, Marion Ngavho, yavuze ko uyu mucuruzi yajyanywe n’abantu bitwaje imbunda, ngo bari gusaba ingurane y’amafaranga ibihumbi 100 $ kugira ngo arekurwe.

Ngavho yasabye Guverineri mushya wa Goma, Lt Gen Constant Ndima gukora ibishoboka byose uyu mugabo akarekurwe.

Ati “Ba rushimusi bari gusaba 100.000 $ kugira ngo bamurekure. Imodoka ye bayangije. Umugabo bari kumwe amuherekeje yakomerekejwe. Ibi bintu birarambiranye, turahamagarira abaturage kuba maso, kwamagana abajura bose, turasaba leta ko hashakishwa abatunze intwaro mu buryo butemewe.”

“Ubutabera budufashe buhane bariya bantu bateza imiborogo muri iyi ntara, Sosiyete Sivile irasaba ko imitwe yitwaje intwaro yahagarikwa yaba iy’abenegihugu n’abanyamahanga abayobozi bayo bagahanwa.”

Ibikorwa byo gushimuta abantu bimaze gufata intera muri Kivu ya Ruguru aho bikorwa n’imitwe yitwaje intwaro ihabarizwa irimo FDLR n’indi myinshi.

Imodoka uyu mugabo yari arimo yangiritse bikomeye
Uwo bari kumwe yakomeretse
Uyu mugabo yashimutiwe ahitwa Kitshanga i Masisi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .