Kwamamaza

Kagame agiye kongera abagore batatu mu ntiti zizamufasha kuvugurura Komisiyo ya AU

Yanditswe kuya 4-10-2016 saa 08:44' na Cyprien Niyomwungeri


Perezida Kagame yamaze amatsiko abibazaga impamvu nta mugore yashyize mu itsinda ry’intiti zizamufasha gutegura impinduka muri Komisiyo y’Umuryango wa Afurika yunze Ubumwe,AU, yemeza ko yabatekerejeho ko hari abari hafi kwemezwa.

Mu Cyumweru gishize nibwo hamenyekanye amazina y’abantu bane bazafasha Perezida Kagame kuvugurura Komisiyo ya AU nkuko yabishinzwe n’Inama ya 27 y’uwo muryango iherutse kubera i Kigali.

Abo ni Dr.Donald Kaberuka wahoze ayobora Banki Nyafurika Itsura Amajyambere, Acha Leke umuhanga mu bukungu wanditse raporo yamamaye izwi nka ‘Lions on the move’, Rwiyemezamirimo w’Umuherwe akaba n’Umugiraneza w’Umunya-Zimbabwe, Strive Masiyiwa.

Biyongeraho Umunya-Guinée-Bissau, Dr.Carlos Lopes w’imyaka 56 wari Umunyamabanga Mukuru Wungirije w’Umuryango w’Abibumbye akaba n’Umunyamabanga Nshingwabikorwa wa Komisiyo y’Ubukungu ya Afurika.

Aya mazina ntagaragaramo umugore ariyo mpamvu umwe mu bakurikira Perezida Kagame ku rubuga rwa Twitter, Ndagire Gladys, yamubajije impamvu muri iri tsinda hatagaragaramo umugore.

Yagize ati“Abagore bari hehe muri iyi kipe y’indashyikirwa?’’

Perezida Kagame yamusubije ko ikipe itaruzura kandi ko hari abagore bazayijyamo bagafatanya kuvugurura Komisiyo ya AU. Icyakora ntiyatangaje amazina y’abo yabisabye.

Yagize ati “Ikipe ntiruzura. Dutegereje ko abagore babiri batwemerera kujya mu ikipe. Turateganya batatu.”

Atazuyaje, Ndagire kimwe n’abandi bashimiye Perezida Kagame ku buvugizi akomeje gukorera abagore.

Kuvugurura imikorere ya Komisiyo ya AU n’izindi nzego, byagaragajwe mu nama yo muri Mutarama 2016, kugira ngo imikorere yayo ijyane n’ibiteganywa mu cyerekezo 2063 Afurika yihaye.

Amavugurura azakorwa mu miyoborere n’imikorere ya AU, azasobanura neza inshingano n’imikorere z’umuryango, ku buryo hagendewe kuri gahunda zihari n’abakozi bawo bashobora kwiyongera.

Hazavugururwa kandi amabwiriza agenga abakozi ba Komisiyo ya AU, uburyo bwo gupima uko inzego zigera ku byo ziyemeje, igenzura ry’imbere no hanze y’uru rwego [audit], kunoza gahunda y’uburyo abayobozi bakora ingendo, uburyo bwo gutanga amasoko n’andi mabwiriza ngenderwaho, hagamijwe ko ubushobozi buhari bukoreshwa neza.

Inkuru bifitanye isano:Kaberuka na Lopes mu ntiti ziri gufasha Perezida Kagame kuvugurura Komisiyo ya AU


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 11 Ukuboza 2016
Copyright © 2009 -2014 - IGIHE Ltd - All Rights Reserved