Minisitiri Mukeshimana yagizwe Umuyobozi w’Ihuriro Nyafurika ry’Ibihugu bihinga kawa

Yanditswe na Akayezu Jean de Dieu
Kuya 15 Gashyantare 2021 saa 08:57
Yasuwe :
0 0

Minisitiri w’Ubuhinzi n’Ubworozi mu Rwanda, Dr Gérardine Mukeshimana, yagizwe Umuyobozi Mukuru w’Ihuriro Nyafurika ry’Ibihugu bihinga bikanatunganya kawa.

Ihuriro Nyafurika ry’Ibihugu bihinga Kawa, IACO, risanzwe rigira umuyobozi waryo buri mwaka w’ingengo y’Imari [aba ari Minisitiri w’Ubuhinzi], kuri ubu u Rwanda ni rwo rwari rutahiwe kuyobora.

Kuri uyu wa Mbere tariki 15 Gashyantare 2021, hifashishijwe ikoranabuhanga, ni bwo Minisitiri Mukeshimana yahererekanyije ububasha n’Umunye-Ghana, Dr. Owusu Afriyie Akoto.

Iri huriro ryashinzwe mu 1960, ritangirana n’ibihugu 11 kuri ubu ribarizwamo ibihugu bigera kuri 25 bihinga bikanatunganya kawa birimo n’u Rwanda.

U Rwanda ni kimwe mu bihugu bya Afurika bihinga kandi bikanatunganya kawa nziza ifite umwihariko w’uburyohe bukundwa n’amahanga.

Nkuko Ibarura rya kawa ryakozwe 2015 ryagaragaje ko ikawa ihingwa n’abahinzi bangana na 355 ,751 mu Rwanda. Umusaruro wa kawa u Rwanda rweza uri hagati ya toni 20,000 na toni 24,000 za kawa itonoye.

Minisitiri Mukeshimana yagizwe Umuyobozi w’Ihuriro Nyafurika ry’Ibihugu bihinga kawa
Minisitiri Mukeshimana ni we uyoboye IACO mu 2020/2021

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .