Karongi:Inkangu yafunze umuhanda uhuza Karongi, Nyamasheke na Rusizi

Yanditswe na Sitio Ndoli
Kuya 12 Gashyantare 2021 saa 02:51
Yasuwe :
0 0

Guhera mu masaha ya saa kumi n’imwe n’igice za mu gitondo kuri uyu wa Gatanu tariki ya 12, inkangu yafunze umuhanda uhuza akarere ka Karongi na Nyamasheke werekeza Rusizi.

Ni mu Murenge wa Gishyita ahazwi nko kuri Dawe uri mu ijuru mu karere ka Karongi aho ubutaka bwamanutse bugafunga umuhanda kubera imvura nyinshi yaguye.

Ni umuhanda uzwi ku izina rya Kivu Belt, uva Rubavu ukagera Rusizi. Umwe mu bari muri aka gace yabwiye IGIHE ko byabaye guhera saa kumi n’imwe za mu gitondo.

Uyu muhanda ukaba ukunze gucamo imodoka nyinshi ariko kubera gahunda ya Guma mu Karere, imodoka zitwara ibicuruzwa nizo zawucagamo zirimo amakamyo Manini azana ibicuruzwa ndetse n’abijyana mu mujyi wa Bukavu muri Repubulika iharanira Demokarasi ya Congo.

Nubwo utakiri nyabagendwa harimo imashini za sosiyete ya Horizon iri kubasha gukuramo iryo taka ariko ubwo twandikaga iyi nkuru ubutaka bwari bukiri kugenda bumanuka buva ku musozi.

Ni kenshi iyo imvura iguye kuri uyu muhanda uri mu misozi ukunze kwibasirwa n’inkangu. Umwaka ushize nabwo inkangu yahagaritse ingendo muri uwo muhanda.

Uyu muhanda wafunzwe n'inkangu guhera mu gitondo cyo kuri uyu wa Gatanu
Inkangu yafunze umuhanda, imigenderanire hagati ya Rusizi na Nyamasheke irahagarara

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .