Dr Thomas Kigabo wari ushinzwe ubukungu muri BNR yitabye Imana

Yanditswe na Akayezu Jean de Dieu
Kuya 15 Mutarama 2021 saa 07:22
Yasuwe :
0 0

Dr Thomas Kigabo Rusuhuzwa wari impuguke mu by’ubukungu ndetse akaba yari n’Umuyobozi Mukuru ushinzwe ubukungu muri Banki Nkuru y’u Rwanda (BNR) yitabye Imana azize uburwayi.

Inkuru y’itabaruka rya Dr Kigabo yamenyekanye mu gitondo cyo kuri uyu wa Gatanu tariki 15 Mutarama 2021, aho bivugwa ko yaguye muri Kenya aho yari yagiye kwivuriza.

Visi Guverineri wa BNR, Dr Monique Nsanzabaganwa, yabwiye IGIHE ko Dr Kigabo yaguye muri Kenya ndetse ko andi makuru aratangazwa n’abo mu muryango we.

Ati “Nibyo koko yitabye Imana. Turi gushaka uko twatangaza andi makuru turacyavugana n’abo mu muryango we.”

Uretse kuba yari umukozi wa BNR, Dr Kigabo yari n’umwe mu bagize Inama y’Ubutegetsi y’Ihuriro ry’abashakashatsi mu bijyanye n’ubukungu EPRN (Economic Policy Research Network Rwanda).

Kigabo yabaye umwarimu muri Kaminuza y’u Rwanda, iya Jomo Kenyatta University ndetse yigisha no muri Kaminuza yigenga ya Kigali yanaje no kubera umwe mu bayobozi wari ushinzwe amasomo.

Yatangiye gukorera Banki Nkuru y’u Rwanda mu 2007, nyuma yo kumara imyaka itari mike ari umuyobozi muri Kaminuza ya Kigali wari ushinzwe amasomo.

Yari afite impamyabumenyi y’ikirenga mu bijyanye na politiki y’ifaranga, imari n’ubukungu mpuzamahanga yavanye muri kaminuza yitwa Lumière University Lyon 2 yo mu Bufaransa. Yari anafite icyiciro cya Gatatu cya Kaminuza ‘Masters’ mu bijyanye n’imibare.

Abantu batandukanye bababajwe n’urupfu rwa Dr Kigabo

Dr Kigabo Thomas yitabye Imana azize uburwayi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .