00:00:00 IGIHE NETWORK KN KINYARWANDA EN ENGLISH FR FRANCAIS

Abanyarwanda ku rutonde rw’abasoje amasomo mu ishuri rya gisirikare muri Amerika

Yanditswe na Kanamugire Emmanuel
Kuya 21 Gicurasi 2021 saa 12:21
Yasuwe :
0 0

Abanyarwanda bagera ku icyenda bari ku rutonde rw’abiteguye gusoza amasomo mu ishuri rya gisirikare rifite ibigwi ryo muri Leta Zunze Ubumwe za Amerika, Missouri Military Academy, nyuma yo kwitwara neza mu masomo yo ku ntebe y’ishuri.

Missouri Militaly Academy ni ishuri ryigenga ryo ku rwego rw’ayisumbuye muri Amerika ryashinzwe mu 1889 rikaba riherereye mu mujyi wa Mexico, ryakira abana b’intyoza b’abahungu gusa kandi bakiga bacumbikiwe.

Abarangije amasomo muri iri shuri batsinze ku kigero cyo hejuru (Distinction) nk’uko byagenwe n’urwego rwa Leta Zunze Ubumwe za Amerika rushinzwe umutekano, boherezwa kwiga mu mashuri ya gisirikare akomeye nka ‘U.S. Military Academy’, ‘Naval Academy,’ ‘Air Force Academy’, na ‘Coast Guard Academy.’

Kugeza ubu amakuru IGIHE ifite ni uko Abanyarwanda bari ku rutonde rw’abiteguye gukora ’graduation’ bagera ku icyenda, nyuma bazakomereza amasomo muri Kaminuza zitandukanye muri Amerika.

Mu bo amazina yabo yagiye ahagaragara harimo Bruno Migaruka Kuzwayezu, Edwin Kagame, Fred Bryan Intwali, Dhalil Brave Belko, Ganza Sano Rugumire, Landry Cyusa Rudasingwa, Prize Mpabuka na Dylan Neza Mugisha.

Abandi banyeshuri biganjemo abo muri Leta Zunze Ubumwe za Amerika.

Missouri Military Academy yashinzwe mu 1889 ku butegetsi bwa Guverineri wa Missouri witwaga Charles Hardin. Inyubako zaryo za mbere zangijwe n’inkongi mu 1896 maze mu 1900 ryongera gusanwa bigizwemo uruhare n’ishyirahamwe ry’abacuruzi muri Mexico.

Cadet Fred Bryan Intwali witeguye gukomereza amasomo muri Kennesaw State University
Cadet Kenny Kazoora uzakomereza muri Lincoln University
Cadet Edwin Kagame uzakomereza amasomo muri Lincoln University
Dylan Neza Mugisha na we ari ku rutonde rw'abasoje amasomo
Cadet Bruno Migaruka Kuzwayezu aritegura kwinjira muri kaminuza yitwa Embry-Riddle Aeronautical University
Cadet Dhalil Brave Belko witeguye gukomereza muri Rockhurst University

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .