Perezida Kagame yoherereje igihugu cya Etiyopiya ubutumwa bw’akababaro

Yanditswe na
Kuya 22 Kanama 2012 saa 04:46
Yasuwe :
0 0

Nyuma y’uko Minisitiri w’Intebe wa Etiyopiya, Meles Zenawi atabarutse mu ijoro ryo kuwa Mbere, Perezida w’u Rwanda, Paul Kagame yoherereje ubutumwa bw’akababaro iki gihugu ndetse n’umuryango wa Nyakwigendera.
Mu itangazo dukesha Perezidansi ya Repubulika y’u Rwanda, rivuga ko Perezida Kagame yagaragaje Meles Zenawi nk’umuyobozi wari ufite icyerekezo ndetse n’ubushishozi buhagije mu guhindura imibereho n’ubukungu bwa Etiyopiya ndetse yewe na Afurika muri rusange.
Perezida Kagame yavuze ko u Rwanda (...)

Nyuma y’uko Minisitiri w’Intebe wa Etiyopiya, Meles Zenawi atabarutse mu ijoro ryo kuwa Mbere, Perezida w’u Rwanda, Paul Kagame yoherereje ubutumwa bw’akababaro iki gihugu ndetse n’umuryango wa Nyakwigendera.

Mu itangazo dukesha Perezidansi ya Repubulika y’u Rwanda, rivuga ko Perezida Kagame yagaragaje Meles Zenawi nk’umuyobozi wari ufite icyerekezo ndetse n’ubushishozi buhagije mu guhindura imibereho n’ubukungu bwa Etiyopiya ndetse yewe na Afurika muri rusange.

Perezida Kagame yavuze ko u Rwanda rwishimiye cyane ubucuti budasanzwe Zenawi yerekanye ku Rwanda mu myaka ishize kandi akaba mu izina ry’Abanyarwanda, yifanyije n’Abanya-Etiyopiya muri ibi bihe bikomeye barimo.

Umurambo w’uwahoze ari Minisitiri w’Intebe wa Etiyopiya, Meles Zenawi wagejejwe Addis Abeba uvanwe mu Bubiligi aho yaguye, maze ushyitswa mu ngoro yakoreragamo mu gihe hagitegerejwe ko hatangazwa igihe cyo kumushyingura.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza