Iki gitaramo cyatangiye ku wa 18 Nyakanga 2026, cyitabirwa n’abarenga ibihumbi 10 bari bateraniye ku kibuga cya Cricket i Gahanga, basusurutswa n’abahanga mu kuvanga imiziki ndetse n’abahanzi batandukanye.

Nyuma y’igitaramo cy’umunsi wa mbere, abari baguze amatike bahawe uburenganzira bwo kongera kuyakoresha no kwinjira ku munsi wa kabiri. Banahawe amahirwe yo gukurikira umukino wa nyuma w’Igikombe cy’Isi wabereye kuri écran nini yari yateguwe aho igitaramo cyabereye.

Igice cya mbere cy’umukino kirangiye, Utah Nice yahawe umwanya wo gususurutsa abitabiriye igitaramo. Yaririmbye indirimbo ze zitandukanye zirimo ‘My Mind’ yakoranye na Chriss Eazy, iri mu zikunzwe muri iyi minsi, yishimirwa n’abari aho.

Nyuma y’uko Espagne itsinze Argentine ikegukana Igikombe cy’Isi, DJ Alisha yahise ahamagarwa ku rubyiniro atangira kuvanga imiziki no gususurutsa abari bishimira intsinzi y’iyi kipe. Uyu mukobwa yagaragaje ubuhanga bwe mu kuvanga imiziki, anabyinira abafana be.

DJ Alisha akimara kuva ku rubyiniro, MC Muyango yafashe umwanya wo gukomeza gususurutsa abari bitabiriye igitaramo mbere yo guhamagara Elijah Kitaka, wataramiye abakunzi be bari bateraniye ku kibuga cya Cricket i Gahanga.

Nyuma ya Elijah Kitaka hakurikiyeho Mike Kayihura, wari waherekejwe n’itsinda ry’abacuranzi be. Mu minota 30 yari yahawe, yaririmbye zimwe mu ndirimbo ze zakunzwe, ashimisha abari bitabiriye iki gitaramo.

Miss Muyango yongeye kugaruka ku rubyiniro, ahamagara DJ Spinny wakiranywe urugwiro. Akimara gutangira kuvanga imiziki, yakinnye indirimbo za The Ben, na we ahita amusanga ku rubyiniro, bombi bafatanya gususurutsa imbaga mu gihe cy’iminota 45, mbere yo gusoza iki gitaramo.

Nubwo gahunda nyamukuru yari irangiye, hari abakunzi b’umuziki bari bagishaka gukomeza kwidagadura. DJ Spinny yakomeje kubavangira imiziki, ari na ko abashimira uburyo bitabiriye iri serukiramuco ndetse anabibutsa ko ‘Spinny&Friends Festival’ izagaruka ku wa 7-8 Kanama 2027.

DJ Spinny aba anacuruza imyenda ijyanye na 'Spinny&Friends Festival'

DJ Spinny yageze ahabereye iki gitaramo hakiri kare

Ubwo DJ Alisha yari ageze i Gahanga ahabereye iki gitaramo

DJ Alisha na Viana Indi bahuriye ahabereye iki gitaramo

Binjiraga banifata amafoto y'urwibutso

Ku rundi ruhande bajyaga ahagenewe gufatirwa amafoto kugira ngo na bo bafatwe ako gutahana

Azawi uri mu byamamare bikomeye muri Uganda yari i Kigali gushyigikira DJ Spinny mu gitaramo cye nubwo ataririmbye

DJ Spinny ni we wiyakiriraga abashyitsi be, aha yari avuye gufata Mike Kayihura

DJ Spinny ubwo yari avuye kwakira Massamba Intore

Uyu mugabo yari yazanye abana kwirebera umukino wa nyuma w'igikombe cy'Isi

Utah Nice akigera ahabereye iki gitaramo yabanje gufata ifoto

Inshuti ya hafi ya DJ Spinny, David Bayingana ni uku yahingutse ahabereye iki gitaramo

Ubwo igice cya mbere cy'umukino wahuzaga Espagne na Argentine cyari kirangiye, Utah Nice ni we wasusurukije abakunzi b'umuziki bari aho

Utah Nice yishimiwe muri iki gitaramo, by'umwihariko ubwo yari ageze ku ndirimbo 'My mind' yakoranye na Chriss Eazy

Mike Kayihura ni uku yishimiye igitego cya Espagne

DJ Alisha ni we wahise ashyushya abantu ubwo umukino wa Espagne na Argentine wari urangiye

Viana Indi ni we wafashaga DJ Alisha gususurutsa abantu

DJ Alisha aba acurangira abakunzi be ubona ko anaryoherwa na we ubwe

DJ Alisha yageze aho yigira imbere abyinira abakunzi be

DJ Alisha ntatuma abakunzi be barangara kuko buri kanya aba ababyinira imbyino zijyanye n'umuziki aba acuranga

Hari aho yageze yigira hasi kugira ngo ababyinire neza

Elijah Kitaka umaze iminsi i Kigali yataramiye abakunzi b'umuziki we i Kigali

Indirimbo za Elijah Kitaka zasize ibyishimo i Kigali

Elijah Kitaka yishimiwe n'abakunzi b'umuziki bari bakoraniye i Gahanga

Miss Muyango yahawe umwanya wo gususurutsa abakunzi be muri iki gitaramo

Uretse gushyushya abantu, Miss Muyango ananyuzamo akababyinira

Indirimbo za Mike Kayihura zituma abasohokanye begerana bakabyinana ingwatira

Muyoboke, Khalfan na Enock uri mu bafana ba The Ben bakomeye

The Ben akigera i Gahanga yakiriwe na DJ Spinny

Iminota irenga 30 The Ben yari yahawe yayikoresheje atanga ibyishimo ku bakunzi be

DJ Spinny niwe wacurangiraga The Ben

The Ben yaririmbye nyinshi mu ndirimbo ze zizwi cyane

Umufana wa The Ben n'umukunzi we bagiriye ibihe byiza muri iki gitaramo

The Ben imbere y'abafana be bari benshi i Gahanga

Akanyamuneza kari kose kuri DJ Spinny

Shemi yari mu bagiye gushyigikira The Ben

DJ Spinny yahise ateguza ikindi gitaramo umwaka utaha

Bamwe umuziki wabaryohanye basanga DJ Spinny ku rubyiniro

DJ Spinny nawe ntiyigeze atenguha abakunzi be

DJ Spinny yasigaye asusurutsa abashakaga gukomeza kuryoherwa mu gihe abenshi bari batashye

Amafoto: Cyubahiro Key&Isaac Munyemana