Ibi byabaye mu ijoro ryo ku wa 24 Nzeri 2026, ubwo Kagarara yari yitabiriye Gen-Z Comedy mu rwego rwo kumenyekanisha gahunda yo kumurika igitabo cye yise ‘Muraho, My Name is Kagarara’, ateganya kumurikira muri Kigali Convention Centre ku wa 26 Nzeri 2026.

Nyuma yo gusobanurira abitabiriye iki gitaramo byinshi ku bikubiye muri iki gitabo, bamwe mu bari bitabiriye Gen-Z Comedy baguze ibitabo bigera kuri 40.

Iki gikorwa cyatangijwe n’umunyamideli Kabano Franco, wemeye kugura ibitabo bitanu, anaha umukoro abandi bari aho. Mu bamukurikiye harimo Martin Rutagambwa waguze ibitabo 10 ndetse n’abandi batandukanye.

Igitabo kimwe cya Kagarara cyaguraga ibihumbi 30 Frw, kandi uwakiguraga yahabwaga amahirwe yo kuzitabira umuhango wo kumurika iki gitabo muri Kigali Convention Centre ku wa 26 Nzeri 2026.

Iki gitabo cya Kagarara gikubiyemo inkuru z’ubuzima bwe bwite, uko yakuriye mu buzima butari bworoshye ndetse n’amasomo yakuye mu buzima.

Kagarara avuga ko yifuza ko iki gitabo cyagera no mu bigo by’amashuri, kugira ngo gifashe abana, cyane cyane abafite ubumuga, kumenya uko bakwitwara ndetse n’abandi bana bakamenya uko bafata bagenzi babo bafite ubumuga.

Uretse abana, Kagarara avuga ko iki gitabo kizagirira akamaro n’ababyeyi, baba abafite abana bafite ubumuga cyangwa abandi muri rusange.

Pirate ni umwe mu banyarwenya batanze ibyishimo ku bitabiriye iki gitaramo

Ambasaderi w'abakonsomateri ni umwe mu banyarwenya bakunze kwiyambazwa muri Gen-Z Comedy

Muhinde niwe munyarwenya wayoboye iki gitaramo

Mucunyi (ufite imbunda) ni umwe mu banyarwenya bamaze kuzamura izina rye mu Rwanda

Fally Merci yakiriye Kagarara nk'umushyitsi mukuru muri iki gitaramo

Kagarara agiye kumurika ku mugaragaro igitabo cye yise ‘Muraho, My Name is Kagarara’

Kagarara amaze kuganiriza abo muri Gen-Z Comedy yahawe impano

Martin Rutagambwa (wicaye hagati) niwe waguze ibitabo bya Kagarara byinshi, yaguze icumi

Franco Kabano ni we watangiye urugendo rwo gushaka abagura ibitabo bya Kagarara

Kagarara yongeye guhiga abarimo umutoza w'imyitozo ngorora ngingo Miguel ku bijyanye na 'Push-up'

Bolingo Paccy yatanze ibyishimo ku bakunzi b'umuziki bari bitabiriye Gen-Z Comedy

Itisnda 'Victorious Team' ni rimwe mu matsinda akunzwe mu Karere

Itsinda 'Victorious Team' ry'i Burundi ryishimiwe bikomeye muri iki gitaramo

Abitabiriye iki gitaramo bishimiye itsinda 'Victorious Team'