Intumwa yihariye y’Umunyamabanga Mukuru wa Loni akaba n’Umuyobozi w’ubutumwa bwo kugarura amahoro muri Centrafrique, MINUSCA, Valentine Rugwabiza, yatangaje ko yasabye abagize Akanama ka Loni gashinzwe Umutekano kwirinda kwihutisha impinduka mu butumwa bw’uyu muryango, kugira ngo ibimaze kugerwaho mu mahoro n’umutekano birusheho gushimangirwa.

Uwacu Julienne wagizwe Minisitiri w’Abakozi ba Leta n’Umurimo, yijeje Perezida Paul Kagame ko azakora atizigamye mu kuzuza inshingano nshya yamuhaye, kandi ko atazatatira icyizere yamugiriye.

Senateri Flavio Bolsonaro wo muri Brésil yavuye mu gihugu yerekeza muri Leta Zunze Ubumwe za Amerika, nyuma yo gutsindwa amatora ya Perezida no kutubahiriza icyemezo cy’Urukiko rw’Ikirenga cyamusabaga gutanga pasiporo ze.

Perezida Paul Kagame yakiriye abagize ihuriro ry’abikorera rigamije guteza imbere ibikorwaremezo rusange by’ikoranabuhanga, Digital Public Infrastructure (DPI) Private Sector Coalition Group, baganira ku bufatanye mu guteza imbere uburyo bwo kwishyurana bwifashisha ikoranabuhanga no kwagura serivisi z’imari zidaheza no kugira uruhare mu bufatanye mu bukungu hagamijwe kugera ku ntego z’isoko rusange rya Afurika.

Bamporiki Edouard yashimiye Perezida Paul Kagame nyuma yo kugirwa Umunyamabanga Nshingwabikorwa wa Unity Club Intwararumuri, agaragaza ko yakiriye icyizere yongeye kugirirwa kandi ko azaharanira kukibungabunga.

Polisi ya Brésil yatangaje ko yatesheje agaciro pasiporo za Flávio Bolsonaro uherutse gutsindwa amatora ya Perezida, nyuma y’uko atubahirije icyemezo cy’urukiko cyamusabaga kuzishyikiriza inzego z’umutekano.

Perezida wa Repubulika Iharanira Demokarasi ya Congo, Félix Tshisekedi, yongeye kwibasira Joseph Kabila wahoze ayobora iki gihugu, amushinja gukorera mu kwaha k'u Rwanda no kugira uruhare mu ntambara ibera mu Burasirazuba bwa RDC. Ni ibirego bikomeje gukaza umurego hagati y'abagabo babiri bahoze bafitanye ubushuti nyuma bakaza gucana umubano.

Abantu barenga 850 barimo abakora ibijyanye n’imari nk’icungamutungo n’ibaruramari n’abakiri ku isoko ry’umurimo bamaze guhabwa amasomo y’igihe gito n’ikigo Kuranga Digital Skills ajyanye n’ikoranabuhanga rigezweho mu by’imari rifasha kwihutisha akazi.

Urukiko rwa Buganda muri Uganda rwategetse ko Umunyarwandakazi Hawa Mbabazi, w’imyaka 29, afungirwa by’agateganyo muri Gereza ya Luzira, akurikiranyweho kwiba miliyoni 77,245 z’amashilingi ya Uganda (arenga miliyoni 25 Frw) mu kigo cy’imari cya Uganda Central Cooperative Financial Services (UCCFS).

Ubuyobozi bw’Umujyi wa Kigali bwasenye igorofa ry’ubucuruzi rigeretse gatatu ryubakwaga mu Mudugudu wa Karama, Akagari ka Nyabugogo, Umurenge wa Kigali mu Karere ka Nyarugenge.

Inzego z’umutekano mu Karere ka Ngoma zatangiye iperereza ku rupfu rw’umugabo uri mu kigero cy’imyaka 30, umurambo we wabonetse mu ishyamba ryo mu Murenge wa Mutenderi, bikekwa ko yishwe akahajugunywa.

Polisi yo mu mujyi wa Winter Park muri Leta ya Florida muri Amerika yitabajwe n’uwateguye amarushanwa y’umupira w’amaguru y’abana, nyuma y’impaka zavutse ku mwana w’imyaka itatu wakinaga arusha bagenzi be.

Leta y’u Burusiya yemeje ko Abanya-Uganda 11 bari barinjijwe mu gisirikare cy’icyo gihugu biciwe mu ntambara yo muri Ukraine, mu gihe abandi 16 baburiwe irengero ariko bikekwa ko bapfuye.

U Burusiya na Ukraine byatangiye kubahiriza agahenge mu gace ka Oleshky, mu majyepfo ya Ukraine, kugira ngo hashobore gutangwa imfashanyo no kwimura abaturage bugarijwe n’ingaruka z’intambara. 

Mu gihe u Rwanda rwitegura amatora y’abagize Inama Njyanama z’Uturere, azakurikirwa n’ay’abagize Komite Nyobozi zirimo abayobozi b’uturere n’ababungirije, urutonde rw’agateganyo rw’abakandida rwashyizwe ahagaragara na Komisiyo y’Igihugu y’Amatora (NEC) rugaragaza impinduka zishobora kuzaba mu buyobozi bw’uturere dutandukanye.

Umusore witwa Biziyaremye, w’imyaka 19, yapfuye nyuma yo kugwa ava ku gipangu cy’urugo rwo mu Murenge wa Ngamba mu Karere ka Kamonyi, aho bikekwa ko yari yagiye kwiba ari kumwe n’abandi.

Umunya-Tanzania utavuga rumwe n’ubutegetsi,Twaha Mwaipaya, yaburiwe irengero muri Kenya ku Cyumweru, nk’uko bigaragazwa na raporo ya Polisi Reuters yabonye.

Umuyobozi Mukuru ushinzwe Ishami ryo guhanga ibishya n’ikoranabuhanga rigezweho muri Minisiteri y’Ikoranabuhanga na Inovasiyo (MINICT) Esther Kunda, yatangaje ko Ikinyarwanda kiri ku mwanya wa kane ku Isi mu kugira amakuru menshi arimo amagambo n’interuro ashobora kwifashishwa mu ikoranabuhanga.

Umugaba Mukuru w’Ingabo za Uganda, Gen Muhoozi Kainerugaba, yatangaje ko akeka ko bamwe mu bagize umutwe wa Rwanda National Congress (RNC) wa Kayumba Nyamwasa, baba bafite uruhare mu rupfu rwa Robert Kabera, wari uzwi nka Sergeant Robert, uherutse kwicirwa muri Uganda.

Umuyobozi wungirije w’ibiro n’umukozi wa hafi wa Depite Kulamba wo mu Nteko Ishinga Amategeko y’Intara ya Maniema muri Repubulika Iharanira Demokarasi ya Congo, barwaniye ku kibuga cy’indege cya Kindu mu gihe hitegurwaga kwakira Minisitiri w’Intebe Judith Suminwa, biba ngombwa ko abashinzwe umutekano batabara.