‘The 4 Genius Windows’ igitabo gishya kirimo inyigisho zituma umuntu amenya aho abarizwa mu buzima

Yanditswe na Uwiduhaye Theos
Kuya 10 Ukuboza 2020 saa 08:20
Yasuwe :
0 0

Niyitanga Jean Eric na Frank Rubaduka bashyize hanze igitabo cya Paji 374 bise ‘The 4 Genius Windows’ kivuga ku ngorane n’imiryango bakomokamo, uburezi bubi, imbaraga zashowe mu kwigira n’ibindi.

‘The 4 Genius Windows’ ni igitabo cyerekana impamvu utazi ibyo utazi, cyanditswe mu gihe cy’imyaka itatu n’abasore babiri bahuje imbaraga; Rubaduka Frank na Niyitanga J. Eric bafashijwe na Craven Johanna na Kreutter Tim.

Muri iki gitabo “The 4 Genius Windows” cyangwa se “amadirishya ane y’ubuhanga”, kuri buri Mutwe (chapter) bitewe n’icyo uvugaho hagiye harimo ibibazo 10 bya gihanga byafasha Umuntu kumenya idirishya abarizwamo.

Ni ibibazo bishingiye ku mitekerereze, n’imyitwarire iranga abantu igihe basakiranye n’ikintu runaka kimwe. Nk’urugero ku madirishya y’urukundo harimo ikibazo kibaza kiti; Iyo ukundana n’umuntu ni nde ubyungikiramo?

Icyo Umuntu yasubiza aha cyerekana idirishya Arimo nk’uko agaragara mu gitabo. Hanyuma yo gusubiza ibibazo byose , harimo uburyo bugufasha Kubona ikeregati maze ukamenya idirishya ryawe.

Rubaduka uri mu bacyanditse yavuze ko ari igitabo kirimo ahahise habo, ati “Twashakaga kuvuga ku rwibutso rw’ahahise hacu, ndetse n’inzozi zacu. Twashakaga kwerekana ifoto nini igaragaza ko umunyafurika ashobora kugera ku ruhando mpuzamahanga.”

Yakomeje agira ati “Mu gihe twarimo twandika iki gitabo, numvise ijwi rituruka ku mbaraga ntashoboraga gusobanura, ariko nzi ko ari ijwi ryavuye mu ijuru. Iki gitabo kigiye kuba igikoresho cyanjye cyo kumurikira abana banjye. Kizarema umuryango ibisekura bizashingiraho kandi bigahazwa ukumenya no gusobanukira. Kigomba kuvuga siyansi, imibare, ishyiramugaciro, ukuri, inshoberamahanga (magic) n’ibitekerezo icyarimwe. ”

Iki gitabo cyitsa ‘ku ngorane bahuye nazo mu buzima, imiryango bakomokamo, uburezi bubi, imbaraga zashowe mu kwigira, kwihangira imirimo, ubwenge, ubumenyi, inama no kwifuza, ibisobanuro by’ubuzima n’icyo babikoraho, no gusohozwa kwabyo n’icyo bisaba.

Kigaragaza umurava Rubaduka na Eric bashyizemo, umwanya, impamvu, intumbero bari bafite nicyo bamaze kugeraho. Bavuga kandi ku buzima bwo guharanira kuba inyangamugayo. Hari aho bavuga ko ‘abo turibo niryo dirishya tureberamo isi.’

Bavuga ko udashobora kumenya ibyo utazi utaramenya idirishya ureberamo isi.

Iki gitabo “The 4 Genius Windows’’ cyangwa se “Amadirishya 4 y’ubuhanga” gisubiza ibibazo birimo nka ‘Kuki ndi uwo ndi uwe?’.

Abanditse iki gitabo basabye abantu kugisoma, bagakora imyitozo ya gihanga irimo, maze bakamenya uburyo babonamo urukundo n’ubusabane, imibonano mpuzabitsina, uburezi n’imikurire y’abana, gufata ibyemezo, amafaranga, ibigerwaho, imikorere ya za Leta n’ikoreshwa ry’imbuga nkoranyambaga.

Eric Niyitanga na Frank Rubaduka bafatanyije kwandika iki gitabo umwe afite imyaka 22 undi akagira 27. Iki gitabo cyabo kiboneka kuri Amazon.

Frank Rubaduka azwi cyane ku kwihangira imirimo no ku biganiro bitandukanye yanyujije tereviziyo zikomeye. Yubahirwawa cyane icyemezo gikomeyeyecyo yafashe cyo kuva muri kaminuza habura igihembwe kimwe ngo asoze kugira ngo akurikire inzozi ze. Iki cyemezo cyarimo ibyago byinshi.

Afatanije n’abandi, yashinze imishinga irenga umunani igenda neza mu ngeri zitandukanye n’ibikorwa bitandukanye byambukiranya imipaka muri Afurika, harimo na Miss Career Africa, All Trust Consult, n’ibindi.

Naho J. Eric Niyitanga ni umwanditsi, uwutegura imbwirwaruhame n’umunyeshuri mu ishami ry’ubuvuzi muri kaminuza y’U Rwanda.

Eric Niyitanga uri iburyo na Frank Rubaduka bafatanyije kwandika iki gitabo umwe afite imyaka 22 undi akagira 27
Aba basore batekereje iki gitabo bashaka gutanga gusangiza abandi amasomo bakuye mu buzima

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .