00:00:00 IGIHE NETWORK KN KINYARWANDA EN ENGLISH FR FRANCAIS

Hatangijwe amarushanwa yo gusoma mu mashuri abanza n’ayisumbuye

Yanditswe na IGIHE
Kuya 16 Ugushyingo 2021 saa 01:47
Yasuwe :
0 0

Kuri uyu wa Mbere mu mashuri atandukanye mu Rwanda, hatangijwe amarushanwa yo gusoma no kwandika ibitabo, agamije guteza imbere umuco wo gusoma mu rubyiruko.

Ni amarushanwa yatangijwe n’Urugaga rw’Abanditsi mu Rwanda, byitezwe ko azakorwa kugeza ku rwego rw’igihugu, aho abazayatsinda bazahembwa.

Ibitabo byakoreshejwe muri ayo marushanwa ni ibyanditswe mu rurimi rw’Ikinyarwanda bitoza abanyeshuri indangagaciro na Kirazira mu iterambere ry’Igihugu.

Nyuma yo guhatana ku rwego rw’amashuri, abanyeshuri bazakomeza bahatane ku rwego rw’Umurenge kuwa 18 Ugushyingo 2021, abazatsinda ku rwego rw’Umurenge bazajya guhatana ku rwego rw’Akarere, abatsinze nabo bajye guhatana ku rwego rw’Intara n’Umujyi wa Kigali.

Umuyobozi w’Urugaga rw’Abanditsi mu Rwanda, Hategekimana Richard yashimiye amashuri yose ari mu marushanwa.

Yavuze ko bigaragaza indangagaciro zirimo ishyaka, urukundo rw’abana b’u Rwanda, kumenya icyo igihugu gikeneye ndetse no gusobanukirwa ko gusoma ibitabo ari byo soko yo kujijuka bigamije kubaka u Rwanda ndetse n’Afurika byifuzwa.

Hategekimana yakomeje ashimira imiryango n’ibigo byagaragaje kwitanga ngo aya marushana agende neza birimo Umuryango Panafrican Movement Ishami ry’u Rwanda, na Imbuto Foundation.

Yashimiye kandi Minisiteri y’Uburezi n’ubuyobozi bw’inzego z’ibanze ku bufatanye bagaragaje ngo aya marushanwa agende neza.

Hategekimana yavuze ko aya marushanwa bayitezeho kurushaho gukundisha abanyeshuri ururimi rwabo, gusobanukirwa indangagaciro na kirazira, gushishikariza abanyeshuri gutangira kwandika ibitabo, gutinyuka kuvugira mu ruhame n’ibindi.

Biteganyijwe ko abazatsinda ku rwego rw’Intara n’Umujyi wa Kigali bazahita bajya muri mwiherero w’Iminsi ibiri ari naho hazatoranyirizwa abahize abandi ku rwego rw’igihugu.

Abanyeshuri bazahiga abandi gusoma neza bazahembwa
Gahunda y'uburyo amarushanwa azakorwa guhera ku rwego rw'amashuri

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .