00:00:00 IGIHE NETWORK KN KINYARWANDA EN ENGLISH FR FRANCAIS

Uruhare rwa Musenyeri Perraudin mu kubiba amacakubiri mu Banyarwanda

Yanditswe na

Gaston Rwaka

Kuya 11 April 2012 saa 11:17
Yasuwe :

Uruhare rwa Musenyeri Perraudin mu guteza amacakubiri n’umwiryane mu Banyarwanda rwashimangiweho mu gitabo cy’umunyamateka Padiri Rudakemwa Fortunatus ’l’Evangilisation du Rwanda (1900-1959)’.
Musenyeri Perraudin wari Arkiyepiskopi wa Kabgayi yabanje kurwanya Inganji Kalinga kugeza n’aho ategeka Musenyeri Bigirumwami gusinya inyandiko yashishikarizaga abaturage kutemera amatwara y’umwami Mutara wa III Rudahigwa ahubwo bakayoboka kiliziya, bityo nayo ikazabafasha guharanira inyungu ya rubanda (...)

Uruhare rwa Musenyeri Perraudin mu guteza amacakubiri n’umwiryane mu Banyarwanda rwashimangiweho mu gitabo cy’umunyamateka Padiri Rudakemwa Fortunatus ’l’Evangilisation du Rwanda (1900-1959)’.

Musenyeri Perraudin wari Arkiyepiskopi wa Kabgayi yabanje kurwanya Inganji Kalinga kugeza n’aho ategeka Musenyeri Bigirumwami gusinya inyandiko yashishikarizaga abaturage kutemera amatwara y’umwami Mutara wa III Rudahigwa ahubwo bakayoboka kiliziya, bityo nayo ikazabafasha guharanira inyungu ya rubanda nyamwinshi.

Perraudin yerekanye ibyishimo ubwo Umwami Rudahigwa yatangaga, aza no kwishimira kujya ku butegetsi kwa Kayibanda Grégoire.

" Kayibanda ni Dawidi w’i Kabgayi naho umwami Rudahigwa ni Goliyati w’i Nyanza"; iki ni ikigereranyo cyakozwe na Perraudin mu gutangira kugaragaza ko abogamiye kuri rubanda nyamwinshi (Abahutu).

Nyuma yo kumara imyaka itatu mu Burundi, Musenyeri Perraudin yigishije muri Seminari Nkuru ya Nyakibanda kuva mu Kuboza 1951 kugeza mu 1955; buri mwaka yakoraga ibarurishamibare (Statistiques) kugirango amenye ubwoko bw’abanyeshuri bagombaga kuba abapadiri.

Mu mwaka w’ 1957 hashyizwe ahagaragara igitabo ’Manifeste des Bahutu’ mu gihe Kayibanda yasimburaga Padiri Kagame Alexis ku mwanya w’umwanditsi mukuru w’ikinyamakuru ’Kinyamateka’ cyakosorwaga na Perraudin; nyuma nibwo Kayibanda yasabwaga na Perraudin kwegura ku mirimo y’itangazamakuru ku mpamvu za politiki.

N’ubwo Perraudin yakomeje guhakana ko Kayibanda yamubereye umunyamabanga wihariye, ntabwo ahakana ko yakoresheje umwanya mu itangazamakuru mu gutera abantu kwigaragambya no kubangisha ingoma.

Mu myaka 32 Perraudin yamaze muri politiki y’u Rwanda kuva yahagera mu Kuboza 1950, ntiyahwemye gushyira ahagaragara inyandiko zavugaga ko Abahutu barenganywa n’Abatutsi.

Nyuma yo kumva inyigisho za Perraudin, mu 1959 Abahutu bahise bitabira ibikorwa byo gusahura, kurya amatungo, gusenya no gutwika amazu y’Abatutsi.
Ibyo bikorwa byo kwibasira abantu bazira uko baremwe byabereye mu maso ya Perraudin mu 1960, 1963, 1966, 1973, 1990, 1991 ariko ntacyo yigeze avuga kugeza asubiye iwabo mu mwaka w’ 1991.

Mu gihe abafurere b’Abayozefiti bicirwaga i Kabgayi mu mwaka w’1973 aho Perraudin yayoboraga yaracecetse akora nk’aho nta cyabaye kugeza n’aho Abatutsi bari basigaye mu Rwanda babuzwaga kwiga, nabo bahitamo guhunga.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .