Itandukaniro ry’amadarubindi agabanya urumuri rw’ubururu n’akoreshwa umuntu ari kuri mudasobwa

Yanditswe na Dufitumukiza Salathiel
Kuya 21 Mata 2021 saa 04:31
Yasuwe :
0 0

Abenshi bazi ko hari amadarubindi afasha kugabanya urumuri rw’ubururu (lunettes de lumière bleue) rugira ingaruka ku buzima by’umwihariko amaso, ariko kuyatandukanya n’ayagenewe kwambarwa mu gihe umuntu ari gukoresha mudasobwa bizwi na bake.

Ubusanzwe lunettes de lumière bleue zishobora kugira umumaro igihe umuntu akoresha mudasobwa kuko zisubiza inyuma urumuri rwayo, ariko hari izindi zabugenewe zizwi nka lunettes d’ordinateur.

Ubushakashatsi bwerekana ko nubwo ayo madarubindi yose ashobora kwifashishwa, lunettes d’ordinateur ni zo nziza mu gihe ukoresha mudasobwa kuko zigiza inyuma ibyo ureba nko muri 16 cm, bityo urumuri ntirube rwakwangiza amaso yawe kuko ruba rutakikwegereye cyane.

Niba wambaye ayo madarubindi biba byiza iyo ushyize intera ya 40 cm hagati y’amaso na mudasobwa cyangwa telefoni uri gukoresha. Ibyo byose bigufasha kurinda ubusugire bw’amaso yawe.

Kwambara lunettes d’ordinateur mu gihe ukoresha telefoni na mudasobwa bizakurinda kunanirwa kw’imitsi y’amaso byaturuka ku kureba muri ibyo bikoresho igihe kirekire.

Ku rundi ruhande, lunettes de lumière bleue zo icyo zikora ni ugusubiza urumuri rw’ubururu iyo ruturuka. Urwo ruba mu bikoresho by’ikoranabuhanga nka mudasobwa, telefoni na televiziyo.

Abenshi bakunze gukoresha lunettes de lumière bleue mu gihe bareba muri ibyo bikoresho, ariko ubushakashatsi bwemeza ko lunettes d’ordinateur ari zo zabikora neza kurushaho, ndetse zanakwifashishwa usoma n’izindi nyandiko zisanzwe.

Hagaragazwa ko kumara igihe kirekire ureba mu rumuri rw’ibyo bikoresho utambaye amadarubindi bitera ibibazo by’amaso birimo gusinzira bigoranye, kunanirwa kw’imitsi, kunanirwa kwayo, gukanuka n’ibindi.

Ubutumwa bugufasha gusobanukirwa iby’amadarubindi kurushaho, ubugezwaho na Classic Optics.

Lunettes de lumière bleue zisubiza inyuma urumuri rw'ubururu rushobora kwangiza amaso yawe
Lunettes d’ordinateur zituma ibyo ureba muri mudasobwa byigira inyuma bityo amaso yawe ntiyangirike

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .