Urukingo rwa COVID-19 rwakozwe n’u Burisiya rwatanze icyizere

Yanditswe na Umwali Zhuri
Kuya 12 Ugushyingo 2020 saa 01:17
Yasuwe :
0 0

Ibisubizo by’ibanze ku igerageza ry’urukingo rwa Covid-19 rwakozwe n’Abarusiya byagaragaje ko rushobora kurinda umuntu kwandura iki cyorezo ku kigero cya 92%.

Uru rukingo rwiswe Sputnik V, ibisubizo by’igerageza riri gukorwa bitanga icyizere ku mikorere yarwo bishingiye ku bantu 20 barwaye COVID-19 mu bakorerabushake 16.000 baruhawe.

Abashakashatsi bagaragaje ko ari inkuru nziza ko ruri gutanga icyizere gusa hari abarunenga ko rutigeze runyura mu byiciro byose inkingo zinyuramo mu igeragezwa.

Hari hashize iminsi mike ibigo bibiri Pfizer na BioNTech bitangaje ko urukingo byakoze rushobora kurinda umuntu kwandura Coronavirus ku kigero cya 90% nyuma y’ibisubizo byavuye ku bantu 43.500 baruhawe.

Nubwo ibisubizo bya Sputnik bishingiye ku bantu bake bahawe uru rukingo ndetse n’ubwandu bw’abaruhawe mu gihe cy’igerageza, abashakashatsi bavuga ko bitanga icyizere ko rushobora kwifashishwa.

Sputnik V ni urukingo rwakozwe n’Ikigo cy’Igihugu cy’u Burusiya gikora ubushakashatsi ku ndwara no kuri za microbe. Ruri gukoreshwa mu igeragezwa ry’icyiciro cya gatatu mu bihugu birimo Belarus, Leta Zunze Ubumwe z’Abarabu, Venezuela n’u Buhinde.

Ifoto y'umuganga uri gutunganya urukingo rwa Sputnik V mbere yo kurutera umuntu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .