Umuntu wa 36 yishwe na Coronavirus mu Rwanda

Yanditswe na Ishimwe Israel
Kuya 5 Ugushyingo 2020 saa 09:53
Yasuwe :
0 0

Minisiteri y’Ubuzima yatangaje ko umuntu wa 36 yishwe na COVID-19 mu Rwanda, mu gihe abarwayi bashya 18 banduye iki cyorezo.

Itangazo rya Minisante ryerekana ko uwitabye Imana kuri uyu wa Kane ari umubyeyi w’imyaka 73.

Mu bipimo bishya 1805 byafashwe kandi hasanzwemo abantu 18 banduye COVID-19 iterwa n’agakoko gashya ka Coronavirus mu gihe 10 bayikize.

Abarwayi bashya bagaragaye muri Kigali Kigali:1, Gatsibo:2, Nyagatare:3, Nyamagabe:12 mu bapimwe mu bibasiwe kurusha abandi.

Mu Rwanda hamaze gufatwa ibipimo bya Coronavirus 564 676, hasanzwemo abantu 5192 banduye. Muri bo 4940 basezerewe mu bitaro nyuma yo gupimwa bagasangwa nta bwandu bagifite mu gihe 217 bakiri kwitabwaho.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwirinda imihuro itari ngombwa no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .