Umuhanzi Cyusa Ibrahim yanduye COVID-19

Yanditswe na Uwiduhaye Theos
Kuya 16 Mutarama 2021 saa 01:34
Yasuwe :
0 0

Umuhanzi Cyusa Ibrahim uzwi mu muziki gakondo yatangaje ko ari mu bantu Minisiteri y’Ubuzima yaraye itangaje ko banduye icyorezo cya COVID-19.

Uyu musore yabwiye IGIHE ko yafashwe n’uburwayi akabanza kugira ngo ni malariya ariko agakomeza kunanirwa guhumeka.

Ati “Ku wa Kane niyumvisemo uburwayi njya kwa muganga nzi ko ari malariya, bampaye imiti ntibyagira icyo bitanga. Byageze nijoro ngahumeka bigoranye niko kubyuka ejo mu gitondo njya kwa muganga, basanga ndwaye COVID-19.”

Yavuze ko atazi ahantu yanduriye iki cyorezo, gusa asaba abanyarwanda kwitwararika kuko gihari kandi akurikije uko yiyumvaga atamenya ko akirwaye, ndetse ko umuntu arebye nabi cyamunogonora.

Yakomeje avuga ko guhera igihe yamenyeye ko yanduye iki cyorezo yahise yishyira mu kato, ndetse ari gukurikiza inama ahabwa n’abaganga.

Kuri uyu wa Gatanu tariki 15 Mutarama 2021, Minisante yatangaje ko abanduye Covid-19 ari 257, abo yishe bo ni batanu.

Yasabye abafana be n’abakunzi b’umuziki muri rusange gukomeza gushyira mu bikorwa ingamba zashyizweho n’inzego z’ubuzima zigamije guhangana na Covid-19, zirimo gukaraba intoki kenshi, kwishyura ukoresheje ikoranabuhanga, guhana intera n’abandi, kwambara neza agapfukamunwa n’ibindi.

Cyusa Ibrahim ni umwe mu bahanzi baririmbye mu gitaramo cya ‘East African Party Special Gakondo’ kinjije Abanyarwanda mu 2021. Ni igitaramo yahuriyemo na Masamba Intore, Cécile Kayirebwa na Makanyaga Abdul umaze imyaka irenga 50 mu muziki.

Reba imwe mu ndirimbo za Cyusa iheruka

Cyusa Ibrahim yanduye COVID-19, aboneraho gusaba abakunzi b'umuziki nyarwanda kwitwararika kuko iki cyorezo gihari

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .