Umubare w’abanduye Coronavirus mu Rwanda wageze kuri 284, abakize baguma ku 140

Yanditswe na Ishimwe Israel
Kuya 10 Gicurasi 2020 saa 07:53
Yasuwe :
0 0

Abantu bane basanganywe Coronavirus mu bipimo 1040, bituma umubare w’abanduye mu Rwanda ugera kuri 284, mu gihe abasezerewe mu bitaro bo bagumye ku 140.

Itangazo rya Minisante ryo ku mugoroba wo kuri iki Cyumweru, rigaragaza ko abantu bane basanganywe Coronavirus, nta muntu wasezerewe mu bitaro.

Kuva umurwayi wa mbere wa COVID-19 iterwa n’agakoko ka Coronavirus agaragaye ku butaka bw’u Rwanda, hamaze kuboneka abantu 284 bayanduye mu bipimo 42 425 byafashwe.

Ku wa 14 Werurwe 2020 nibwo u Rwanda rwemeje ko umurwayi wa Mbere wa Coronavirus yageze mu gihugu, yari Umuhinde wari uturutse mu Mujyi wa Mumbai.

Mu basanganywe Coronavirus uko ari 284, muri bo 140 basezerewe mu bitaro nyuma yo kwitabwaho n’abaganga, bakanasuzumwa bagasangwa nta bwandu bagifite mu mibiri yabo.

Kugeza ubu ibitaro byahariwe kwita ku barwayi ba Coronavirus bibarizwamo abantu 144, bari gukurikiranwa n’abaganga. Nta muntu urapfa azize Coronavirus mu Rwanda.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwambara udupfukamunwa mu gihe umuntu avuye mu rugo cyangwa ahuye n’abantu benshi mu nsisiro cyangwa ahatuye imiryango myinshi.

Coronavirus yagaragaye bwa mbere mu Mujyi wa Wuhan mu Bushinwa mu Ukuboza 2019; kuri ubu 4 152 878 bamaze kuyandura ku Isi yose, barimo 282 663 yahitanye mu gihe 1 465 416 bamaze kuyikira.

Umubare w’abantu banduye Coronavirus mu Rwanda wageze kuri 284, abakize baguma ku 140

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .