U Bwongereza: Ikosa mu gupima ryatumye abantu 1300 babwirwa ko banduye Coronavirus kandi ari bazima

Yanditswe na Umwali Zhuri
Kuya 28 Ugushyingo 2020 saa 04:27
Yasuwe :
0 0

Abantu barenga 1300 bo mu Bwongereza bahawe amakuru atari ukuri ko banduye Coronavirus nyuma y’ikosa ryakozwe na Laboratoire y’Urwego rw’Igihugu rushinzwe Ubuzima.

Minisiteri y’Ubuzima mu Bwongereza, kuri uyu wa Gatandatu yatangaje ko hari abantu 1311 babwiwe ko banduye Coronavirus kandi ari bazima. Ibipimo byabo byafashwe tariki ya 19 Ugushyingo n’iya 23 Ugushyingo 2020 bigaragaza ko banduye.

Ibipimo byafashwe icyo gihe byose byagizwe imfabusa kubera iryo kosa ryabayeho. Hahise hafatwa umwanzuro wo kumenyesha abantu bose bari bapimwe ko bagiye gufatirwa ibindi bipimo ndetse bamenyeshwa ko bagomba gukomeza kwishyira mu kato mu gihe baba bafite ibimenyetso by’iyi ndwara.

Ikosa rya laboratoire ryatumye hatangwa ibisubizo bitari ukuri, ryasobanuwe nk’impanuka ndetse inzego zibishinzwe zitangaza ko ziri kurikoraho iperereza.

Abantu 1311 babwiwe ko banduye Coronavirus kandi ari bazima kubera ikosa ryakozwe na laboratoire

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .