Inyandiko z’ibanga z’urukingo rwa COVID-19 zagabweho igitero cy’ikoranabuhanga

Yanditswe na Umwali Zhuri
Kuya 10 Ukuboza 2020 saa 08:43
Yasuwe :
0 0

Ibiro by’u Burayi bishinzwe imiti, EMA, byatangaje ko hari igitero cy’ikoranabuhanga byagabweho ndetse ko inyandiko zabyo zigendanye n’urukingo rwa COVID-19 zinjiriwe n’abantu bataramenyekana.

BioNTech, Ikigo cy’Abadage gikora inkingo cyanafatanyije n’ikindi cyitwa Pfizer mu gukora urukingo rwatangiye gukoreshwa hirya no hino ku Isi nko mu Bwongereza, cyavuze ko ibiro bikigenzura byibasiwe n’abajura mu ikoranabuhanga, ndetse ko inyandiko cyabishyikirije zinjiriwe.

EMA iri mu igenzura ry’inkingo ebyiri za Covid-19 byitezwe ko ibyavuye muri icyo gikorwa bizatangazwa mu gihe cy’ibyumweru bike biri imbere. BioNTech yatangaje ko icyo gitero cy’ikoranabuhanga kitazangiza igihe cyari cyarihawe cyo kuba icyo gikorwa cyarangiye.

Ntabwo hatanzwe amakuru arambuye y’imiterere y’icyo gitero, gusa ibi Biro by’u Burayi bishinzwe imiti byatangaje ko biri gukora iperereza.

Amakuru ajyanye n'urukingo rwakozwe na BioNTech ifatanyije na Pfizer yinjiriwe n'abajura mu ikoranabuhanga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .