Igerageza ku rukingo rwa COVID-19 rw’uruvange rw’urwakozwe n’u Bwongereza hamwe n’urw’u Burusiya

Yanditswe na Umwali Zhuri
Kuya 12 Ukuboza 2020 saa 10:37
Yasuwe :
0 0

Abahanga muri Siyansi bo mu Bwongereza no mu Burusiya bagiye gukora igerageza ku rukingo rwa COVID-19 ruhuje ebyiri zakozwe n’ibi bihugu byombi harimo urwa AstraZeneca rwakozwe na Kaminuza yo mu Bwongereza ya Oxford n’urwa Sputnik V rwakozwe n’Abarusiya.

Kuvanga izi nkingo zombi bigamije kureba niba zishobora kuzamura ubudahangarwa mu mubiri w’uruhawe ku buryo atakwandura iki cyorezo.

Iri gerageza rizabera mu Burusiya, byitezwe ko rizakorerwa ku bantu bari hejuru y’imyaka 18 gusa ntiharatangazwa umubare w’abo rizakorerwaho.

Oxford yari iherutse gutangaza ko urukingo rwayo rugaragaza ko rushobora kurinda umuntu kwandura COVID-19.

Abashakashatsi baracyari kureba uburyo uru rukingo rushobora gufasha abantu bari mu za bukuru mbere y’uko rwemezwa n’inzego z’ubuzima mu Bwongereza.

AstraZeneca yatangaje ko iri kureba niba kuvanga inkingo zitandukanye bishobora kuzamura ubudahangarwa bw’umubiri wa muntu ku kigero cyo hejuru cyangwa se niba ubwo budahangarwa bushobora kumara igihe kirekire byisumbuyeho.

Urukingo rwa AstraZeneca rugiye kuvangwa n'urwa Sputnik V mu bushakashatsi bugamije kureba niba ubudahangarwa bw'umubiri wa muntu bwakwiyongera

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .