Habonetse abarwayi 32 ba Coronavirus barimo 30 bo muri gereza ya Muhanga

Yanditswe na IGIHE
Kuya 14 Ugushyingo 2020 saa 10:41
Yasuwe :
0 0

Minisiteri y’Ubuzima yatangaje ko kuri uyu wa Gatandatu habonetse abarwayi bashya 32 ba Coronavirus barimo 30 babonetse muri gereza ya Muhanga, bigaragaza ubwandu bukomeje kwiyongera muri gereza zo mu Rwanda.

Kuri uyu wa Gatandatu, mu bipimo 3,128 byafashwe, abantu 32 nibo banduye barimo 30 bo muri gereza ya Muhanga, umwe yabonetse mu mujyi wa Kigali naho undi umwe aboneka i Nyanza. Umuntu umwe niwe wakize.

Imibare yo kuri uyu wa Gatandatu yatumye umubare w’abamaze kwandura bose hamwe iba 5,394, abamaze gukira ni 4,994 naho abamaze gupfa bose ni 42.

Minisiteri y’ubuzima iherutse gutangaza ko yatangiye gupima abantu batandukanye muri gereza zo mu Rwanda nyuma y’uko habonetse ubwiyongere bukabije bw’abandura n’abahitanwa na Coronavirus muri gereza ya Rwamagana.

Ibyo bipimo bifatwa muri gereza bigamije kumenya neza uko icyorezo cyifashe muri za gereza n’ingamba zafatwa mu kugikumira.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .