Espagne yaciye ku Bushinwa mu kugira umubare munini w’abishwe na Coronavirus

Yanditswe na IGIHE
Kuya 26 Werurwe 2020 saa 08:56
Yasuwe :
0 0

Imibare y’abamaze guhitanwa na Coronavirus muri Espagne imaze kurenga iy’abapfuye mu Bushinwa aho iki cyorezo cyatangiriye umwaka ushize.

Umubare w’abapfuye muri Espagne wazamutse mu masaha 24 aho wiyongereyeho abantu 738, bituma iki gihugu kigira abantu 3434 bamaze gupfa aho kirusha u Butaliyani nabwo bwibasiwe cyane ho abantu 683.

Ikigereranyo cyerekana ko u Bushinwa bumaze kugira abantu 3285 bishwe na Coronavirus mu gihe u Butaliyani bwibasiwe cyane ku Isi bwo abamaze gupfa ari 6820.

Abantu 27000 nibo bari mu bitaro muri Espagne aho bari kuvurwa iki cyorezo cyibasiye isi muri iki gihe.

Umurwa Mukuru wa Espagne, Madrid, niwo wibasiwe cyane ariko mu majyepfo y’igihugu mu mujyi wa Catalonia, nawo abantu barwaye bakomeje kwiyongera umunsi ku wundi.

Minisitiri w’Intebe wungirije muri Espagne, Carmen Calvo, nawe kuri iki cyumweru yasanganywe iki cyorezo, ahita ashyirwa mu bitaro nyuma yo kugira ibibazo mu myanya y’ubuhumekero.

Ku isi muri rusange, abantu 460000 nibo bamaze kwandura iyi virus, mu gihe abarenga ibihumbi 20 bo bapfuye naho 110000 bakaba barakize.

Umubare w'abanduye Coronavirus ukomeje kwiyongera muri Espagne

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .