COVID-19: IMF yagaragaje ko ubukungu bwa Afurika buzazahara cyane

Yanditswe na IGIHE
Kuya 25 Werurwe 2020 saa 06:48
Yasuwe :
0 0

Ikigega mpuzamahanga cy’imari (IMF), cyatangaje ko ikwirakwira ry’icyorezo cya COVID-19, muri Afurika yo munsi y’ubutayu bwa Sahara, rizashegesha cyane ubukungu bw’aka karere.

IMF ivuga ko iri hungabana ry’ubukungu rizagira ingaruka zitaziguye ku mibereho y’abaturage, riteze ibibazo mu rwego rw’imari, rigabanye ubucuruzi n’ishoramari ndetse rigabanye cyane ibiciro by’ibicuruzwa.

Kuri uyu wa Gatatu IMF yanditse ku rubuga rwayo ko abayobozi b’iki kigega muri Afurika, bavuze ko bamaze kwakira ubusabe bw’inkunga y’ingoboka yihutirwa bwatanzwe n’ibihugu 20 muri Afurika yo munsi y’ubutayu bwa Sahara kandi biteze ko byiyongeraho ibindi 10 bidatinze.

Ku munsi w’ejo IMF yari yatangaje ko Ghana yayisabye inguzanyo yihutirwa yo kurwanya Coronavirus.

Umuyobozi wa IMF, Kristalina Georgieva, kuwa Mbere yavuze ko ibihugu 80 byasabye inguzanyo zihutirwa aho hari miliyari 50$, nibura hakaba hitezwe ko ibindi bihugu 20 bizasaba inguzanyo.

Umuyobozi wa IMF muri Afurika, Abebe Aemro Selassie na Karen Ongley, uyihagarariye muri Sierra Leone, banditse ko ‘muri Afurika yo munsi y’ubutayu bwa Sahara, izamuka ry’ubukungu rizaba rikomeye, birenze kubivuga’.

Kubera icyorezo cya Coronavirus, ibihugu byinshi byafunze imipaka ndetse n’ahantu hahurira abantu benshi, ibintu byahagaritse imirimo yishyura.

Imibereho mibi y’abaturage isobanuye kuba binjiza amafaranga make, bakoresha make ndetse nta n’imirimo bafite. Gufunga imipaka bikaba bisobanuye ko ingendo, ubukerarugendo bizasubira inyuma utibagiwe ubucuruzi n’ubwikorezi.

Igiciro cy’ibikomoka kuri peteroli cyagabanutseho 50% kuva 2020 yatangira, bivuze ko ingaruka za peteroli Afurika yoherezaga hanze zizaba nini cyane.

IMF iteganya ko nibura hazabaho igabanuka ry’ibiciro by’ibikomoka kuri peteroli rigera ku 10%, izamuka rya peteroli yoherezwa mu mahanga risubire inyuma kugera kuri 0.6%, ndetse n’icyuho mu ngengo y’imari kigere kuri 0.8% by’umusaruro mbumbe.

Ubucuruzi bwambukiranya imipaka mu bizazahara cyane

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .