COVID-19: Abaminisitiri babiri bo muri Afurika y’Epfo bashyizwe mu bitaro

Yanditswe na Umwali Zhuri
Kuya 21 Nyakanga 2020 saa 12:11
Yasuwe :
0 0

Abaminisitiri babiri bagize Guverinoma ya Afurika y’Epfo, bashyizwe mu bitaro nyuma yo kwandura icyorezo cya COVID-19.

Perezidansi y’iki gihugu kuri uyu wa Kabiri yatangaje ko Minisitiri w’Umurimo, Thembelani Nxesi na Minisitiri w’Umutungo kamere, Gwede Mantashe, bashyizwe mu bitaro kuri uyu wa Mbere.

Bombi bari bamaze iminsi bari mu kato nyuma y’uko bapimwe mu cyumweru gishize bikaza kugaragara ko banduye.

Itangazo ryasohowe n’Ibiro by’Umukuru w’Igihugu rivuga ko “byifuriza Minisitiri Nxesi na Mantashe gukira vuba”, bishimangira ko ibitaro byabakiriye bizabitaho neza bishoboka.

Afurika y’Epfo ni cyo gihugu cya gatanu ku Isi cyibasiwe n’iki cyorezo kurusha ibindi, ndetse kiza ku isonga mu kugira ubwandu bwinshi muri Afurika. Ubu habarurwa abantu 373628 bamaze kwandura iyi ndwara mu gihe 5173 bo bapfuye.

Minisitiri w’Umutungo kamere, Gwede Mantashe, yashyizwe mu bitaro arwaye COVID-19
Minisitiri w’Umutungo kamere, Gwede Mantashe, yashyizwe mu bitaro arwaye COVID-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .