Coronavirus: Masks miliyoni esheshatu z’igisirikare cy’u Budage zaburiye muri Kenya

Yanditswe na IGIHE
Kuya 24 Werurwe 2020 saa 04:13
Yasuwe :
0 0

Igisirikare cy’u Budage cyari cyatumije masks miliyoni esheshatu zo kwifashisha mu kurinda ikwirakwira ry’icyorezo cya Coronavirus, zaburiye muri Kenya mu buryo butaramenyekana.

Minisiteri y’Ingabo mu Budage, yatangaje ko iri gukurikirana uburyo izi masks zabuze. Bivugwa ko zaburiye ku kibuga cy’Indege muri Kenya mu cyumweru gishize gusa ntabwo byigeze bitangazwa aho zari ziturutse zerekeza mu Budage.

Inzego z’igisikare mu Budage zari ziherutse gutangaza ko zigiye gufasha Minisiteri y’Ubuzima mu kuyigezaho ibikoresho byakwifashishwa mu kurwanya ikwirakwira ry’iki cyorezo.

Byari byo bikoresho byinshi byatumijwe mu guhangana n’ikwirakwira rya Coronavirus imaze guhitana ubuzima bw’abantu 130 muri iki gihugu mu gihe abasaga 30 000 bamaze kwandura.

Minisiteri y’Ingabo y’u Budage yavuze ko nta gihombo kinini bazaterwa no kubura uyu muzigo kuko utari wakishyuwe kuko ba nyirawo bari kuzahabwa amafaranga ugeze mu Budage.

Mask miliyoni esheshatu z’igisirikare cy’u Budage zari zigenewe igisirikare cy’u Budage zaburiye muri Kenya

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .