Coronavirus kuwa 15 Mata: Abantu barenga miliyoni ebyiri bamaze kwandura ku Isi

Yanditswe na Habimana James
Kuya 15 Mata 2020 saa 09:26
Yasuwe :
0 0

Kuri uyu wa Gatatu tariki 15 Mata 2020, Ishami ry’Umuryango w’Abibumbye ryita ku Buzima, OMS, ryamaze gutangaza ko abanduye Coronavirus ku Isi bageze kuri 2000231, abamaze gupfa bakaba ari 126757 naho abamaze gukira ni 484640.

Mu masaha 24 ashize, Leta Zunze Ubumwe za Amerika zongeye kuba igihugu cya mbere ku Isi mu gupfusha abantu benshi, nyuma y’aho 2407 bapfuye ku munsi umwe.

Ibi byatumye iki gihugu gikomeza kuyobora ibindi ku Isi mu kugira umubare w’abanduye ndetse n’abamaze gupfa.

Inzego z’ubuzima muri iki gihugu ziratangaza ko abamaze gupfa ari 26064, mu gihe 614246 bamaze kwandura naho 38820 bamaze gukira.

Mu gihugu cy’u Bushina ari naho Coronavirus yatangiriye mu mpera z’umwaka ushize, ibintu bikomeje gusubira mu buryo, nyuma y’aho bimwe mu bitaro byari byarubatswe mu kurwanya iki cyorezo, byatangiye gufungwa kuko nta barwayi bakirimo kwakira.

Kubaka ibi bitaro byakozwe muri Mutarama bitwara gusa iminsi 15.

Ubuyobozi mu Ntara ya Hubei buvuga ko ibi bitaro bitazavanwaho, bizahaguma kugira ngo bibe byakoreshwa mu gihe bibaye ngombwa.

Abanduye mu Bushinwa ni 82295, abapfuye ni 3342 naho 77816 barakize.

Inzego z’ubuzima muri iki gihugu zigaragaza ko kuri uyu wa Kabiri, umuntu umwe ariwe wapfuye, mu gihe 46 aribo banduye.

Kugeza ubu ibihugu bifite abanduye ndetse n’abapfuye benshi, ku mwanya wa mbere hari Leta Zunze Ubumwe za Amerika zifite abanduye 614246, abamaze gupfa ni 26064, Espagne ifite abantu 174060 bamaze kwandura naho 18255 bamaze gupfa, u Butaliyani bufite abanduye 162488 mu gihe 21067 bamaze gupfa.

Mu Bufaransa abantu 143303 bamaze kwandura, abandi 15729 bamaze gupfa.

U Budage bufite abanduye 132210 mu gihe 3495 bapfuye, u Bwongereza bufite abanduye 93873 ariko abamaze gupfa ni 12107.

Ku Mugabane wa Afurika, abantu 16873 bamaze kwandura Coronavirus, abamaze gupfa ni 876 abakize ni 3344.

Kugeza ubu Afurika y’Epfo niyo imaze kugira benshi banduye kuko ari 2415 mu gihe abamaze gupfa bakiri kuri 27 nk’uko byari bimeze kuri uyu wa Kabiri, ikurikirwa na Misiri ifite abanduye 2350 abapfuye ho bageze kuri 178.

Algeria niho hamaze gupfa abantu benshi muri Afurika kuko ari 326 mu gihe abamaze kwandura ari 2070.

Muri Afurika y’Iburasirazuba, Kenya niyo ikomeje kugira abanduye benshi kuko ubu bageze kuri 216 mu gihe abamaze gupfa bakiri icyenda, mu Rwanda hamaze kuboneka abantu banduye 134 ariko abamaze gukira bakomeje kwiyongera kuko bageze kuri 49, Uganda habonetse 55, muri Tanzania hamaze kuboneka abantu 53 hamaze gupfa batatu, mu Burundi habonetse batanu, hamaze gupfa umwe mu gihe muri Sudani y’Epfo ari bane banduye.

Leta Zunze Ubumwe za Amerika zikomeje kwibasirwa cyane na Coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .