Coronavirus ku wa 27 Nyakanga: Ibintu bikomeje gufata indi ntera muri Amerika

Yanditswe na Umwali Zhuri
Kuya 27 Nyakanga 2020 saa 10:49
Yasuwe :
0 0

Muri Leta Zunze Ubumwe za Amerika habonetse ubwandu bushya bwa Coronavirus ku bantu 54.953 kuri iki Cyumweru, mu gihe abapfuye bo ari 470. Byatumye umubare w’abamaze guhitanwa n’iki cyorezo uba 149.849 naho abanduye baba 4.371.839. Iyi mibare ishyira iki gihugu ku isonga mu bikomeje kwibasirwa cyane n’iyi ndwara.

Hari ubwoba ko ibintu bishobora kuba bibi mu minsi iri imbere ku buryo igihugu cyakwisanga mu kangaratete, ari nayo mpamvu impuguke zatangiye kugira inama leta ziyisaba ko yafunga ibikorwa byose mu gihugu, abantu bakongera bagasubira mu ngo.

Magingo aya ku Isi harabarurwa abantu 16.424.841 banduye Coronavirus, mu gihe abamaze gupfa bo ari 652.343. Ni mu gihe abamaze gukira bo ari 10.052.978.

Ibihugu byibasiwe na Coronavirus muri iki gihe:

-  Leta Zunze Ubumwe za Amerika ifite abantu 4.371.839 banduye mu gihe abamaze gupfa bo ari 149.849,

-  Brésil yo ifite abantu 2.419.901 banduye, mu gihe abamaze gupfa bo ari 87.052,

-  U Buhinde bufite abantu banduye 1.437.976 mu gihe abamaze gupfa ari 32.826, biyongereyeho 1957 mu masaha 24 ashize,

-  U Burusiya bufite abantu 812.485 banduye mu gihe abamaze gupfa bo ari 13269

-  Afurika y’Epfo ifite abantu 445.433 banduye, mu gihe abamaze gupfa bo ari 6769.

Mu bihugu byo muri Afurika, usibye Afurika y’Epfo igaragara mu bihugu bitanu byibasiwe cyane ku Isi, ibindi biri mu bigaragaramo iki cyorezo cyane ni Algerie ifite ubwandu 27.357 mu gihe abantu bamaze gupfa bo ari 1155.

Mu Karere u Rwanda ruherereyemo, Kenya ifite abantu 17.603 banduye iki cyorezo mu gihe abamaze gupfa bo ari 280. Muri Uganda hari abantu 1115 banduye mu gihe babiri aribo bamaze gupfa, barimo umwe wapfuye mu masaha 24 ashize.

Muri Tanzania nta mibare mishya bagitangaza, iheruka yo muri Gicurasi igaragaza ko hari abantu 509 banduye mu gihe 21 bo bapfuye. Mu Burundi hamaze kuboneka abantu 361 banduye iki cyorezo, mu gihe uwapfuye ari umwe.

U Rwanda rufite abantu 1821 banduye iki cyorezo mu gihe abamaze gupfa bo ari batanu.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .