Byahishuwe ko Trump yakingiwe COVID-19 mbere yo kuva ku buyobozi

Yanditswe na Umwali Zhuri
Kuya 2 Werurwe 2021 saa 08:15
Yasuwe :
0 0

Uwahoze ari Perezida wa Leta Zunze Ubumwe za Amerika, Donald Trump n’umugore we Melania, byatangajwe ko bahawe urukingo rwa Coronavirus mbere y’uko bava muri White House ubwo uyu mugabo yasimburwaga na Joe Biden.

Abajyanama ba Trump batangaje ko muri Mutarama uyu mwaka aribwo we n’umugore we bakingiwe COVID-19.

Ntabwo bizwi neza ubwoko bw’urukingo bahawe ndetse n’ingano yarwo (dose) bahawe.

Ibi bitangajwe nyuma y’aho ku Cyumweru Trump asabye abamushyigikiye kwikingiza iki cyorezo, akavuga ko iyo umuntu ahawe urukingo nta bubabare yumva, ati “rero buri wese agende akingirwe”.

Iyo mvugo ya Trump itandukanye kure n’ibyo yakundaga kuvuga akiri Perezida, aho akenshi yabaga abusanya n’ibitangazwa n’abaganga mu buryo bwo kwirinda iki cyorezo, dore ko yamaganiye kure ibyo kwambara agapfukamunwa ndetse no guhana intera.

Mu Ukuboza kwa 2020 hagati, byari byatangajwe ko Trump atazahabwa urukingo rwa Coronavirus keretse niruba rwemejwe n’itsinda ry’abaganga bo muri White House.

Trump n'umugore we bakingiwe Coronavirus mbere yo kuva muri White House

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .