Burundi: Abarwayi 41 bashya ba Coronavirus bagaragaye muri Komine eshatu

Yanditswe na IGIHE
Kuya 15 Nyakanga 2020 saa 05:11
Yasuwe :
0 0

Mu bantu 1200 bapimwe Coronavirus mu Burundi muri komine eshatu zo Ntara ya Bujumbura, 41 basanzwe baranduye icyorezo cya Coronavirus.

Mu cyumweru gishize, nibwo Guverinoma y’u Burundi yatangaje ko igiye gusuzuma ku bwinshi abantu ireba uko iki cyorezo gihagaze mu gihugu, bitandukanye n’uko byagiye bigenda mu minsi ya mbere by’umwihariko ku buyobozi bwa Perezida Nkurunziza.

Minisitiri w’Ubuzima mu Burundi, Thaddée Ndikumana, yatangaje ko buri muntu wese ufite ibimenyetso by’iki cyorezo agomba guhita apimwa, naho abarwaye ibicurane n’inkorora bo bakambara udupfukamunwa kugira ngo batanduza abandi.

Ku wa 6 Nyakanga nibwo Minisitiri w’Ubuzima mu Burundi yatangije iki gikorwa cyo gupima, bikorwa ku buntu kandi bikorerwa mu ntara zitandukanye mu gihugu, aho bizamara amezi atatu kandi ibipimo bigatangwa mu masaha 24.

Ku munsi wa mbere ubwo ibikorwa byo gupima byatangiraga, abantu 640 ni bo bapimwe, muri bo 28 bari baranduye.

Ubu mu Burundi habarurwa abantu 232 banduye iki cyorezo mu gihe uwapfuye ari umwe.

U Burundi bukomeje gushyira imbaraga mu bikorwa byo kurwanya ikwirakwira rya Coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .