00:00:00 IGIHE NETWORK KN KINYARWANDA EN ENGLISH FR FRANCAIS

Batatu barimo uw’imyaka 13 bahitanywe na Coronavirus, umwe ni we urembye

Yanditswe na Akayezu Jean de Dieu
Kuya 23 Werurwe 2021 saa 10:43
Yasuwe :
0 0

Imibare mishya y’imiterere y’icyorezo cya Covid-19, igaragaza ko mu masaha 24 ashize abantu batatu bishwe nacyo mu Rwanda mu gihe kugeza ubu umuntu umwe ariwe usigaye arembeye mu bitaro aho ari kwitabwaho byihariye.

Itangazo rya Minisiteri y’Ubuzima ryo kuri uyu wa Kabiri tariki 23 Werurwe 2021, rivuga ko abantu batatu bishwe na Coronavirus ari umukobwa w’imyaka 13, umugore w’imyaka 69, bombi bo mu Mujyi wa Kigali ndetse n’umugabo w’imyaka 85 wo mu Karere ka Muhanga.

Rikomeza rivuga ko umwe ariwe usigaye arembeye mu bitaro, ni ukuvuga ko ari kongererwa umwuka n’imashini imufasha guhumeka izwi nka Ventilator, aha ntabwo aba abasha kuvuga.

Ni ubwa mbere mu Rwanda Coronavirus yishe umuntu ufite imyaka mike kuva iki cyorezo cyagaragara mu gihugu muri Werurwe 2020.

Muri rusange, mu masaha 24 ashize abantu 79 ni bo banduye mu bipimo 4.761 naho abakize bakaba 96, mu gihe abakirwaye ari 1370. Kuri uyu munsi kandi hakingiwe abantu 5.179.

Imibare irerekana ko abakira bari ku ijanisha rya 92%, mu gihe abandura bari kuri 1.6% naho abapfa akaba ari 1.4%.

Kuva muri Werurwe 2020, ubwo icyorezo cya Covid-19, cyageraga mu Rwanda, hamaze gufatwa ibipimo 1.095.173, naho abamaze kwandura ni 20.975 mu gihe abakize ari 19.310 naho abakirwaye ni 1370. Muri icyo gihe cyose kandi abantu 295 bamaze guhitanwa n’iki cyorezo mu gihe abamaze guhabwa urukingo ari 343.723.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .